Matapos ang hiwalayan noon ni Diether Ocampo sa modelong girlfriend noong 2010 ay wala na itong napabalitang naging kasintahan. Pero kamakailan lang ay may bago raw inspirasyon si Diet na isang non-showbiz girl at madalas niya itong kasa-kasama sa mga showbiz gatherings na kaniyang dinadaluhan. Noong nakraang Linggo, July 22 ay naging guest si Diether sa programa dahil sa kaniyang birthday celebration at isinama niya umano ang napapabalita niyang girlfriend. Hindi naman diretsahang inamin ng aktor ang patungkol sa kaniyang bagong girlfriend. Masaya na raw si Diether Ocampo ngayon at sana ay pagbigayan na lamang daw siya ng mga tao dahil siya ay nasa proseso ng pagdiskubre ng mga bagong bagay.
Aminado si Diether Ocampo na medyo natagalan simula nang siya ay makipag-date kung kaya refreshing para sa kaniya ang magkaroon ng bagong girlfriend at inspiraisyon. Nang mapag-usapan naman ang pagpapakasal sa kaniyang girlfriend ay iginiit ni Diet na pinaghahandaan niya pa rin ito kahit pa alam niyang hindi na siya bumabata. Aniya, ayaw niya na rin naman daw magkamali pa sa pangalawang pagkakataon pagdating sa ganitong usapin. Hindi naman daw sinasabi ni Diether Ocampo na mali ang kaniyang ginawa dati pero marami naman daw siya nantutunan sa karanasang iyon kung kaya hindi na raw siya magpapadalos-dalos pa sa kaniyang relasyon sa girlfriend.
Ang sinasabi ng aktor ay ang pagpapakasal niya noon sa dating girlfriend na si Kristine Hermosa na mayroon na ring sariling pamilya ngayon. Bukod sa balitang may bagong girlfriend si Diether Ocampo ay kinumpirma rin nito na magiging bahagi siya ng bagong teleserye ng ABS-CBN na Apoy Sa Dagat kung saan makakasama niya ang kaibigang si Piolo Pascual at dalagang aktres na si Angelica Panganiban. Aniya, naantala raw ang kanilang taping dahil sa kakaibang timpla ng panahon. Matagal na ring hindi nakakagawa ng teleserye si Diether Ocampo kung kaya excited na raw ito simulan ang proyekto. Kahit pa tikom ang bibig ni Diet sa napapabalitang girlfriend ay halatang-halata naman sa binata na masaya siya sa kasalukuyan niyang estado.
Full Story @ Tsismoso
0 comments:
Post a Comment