Jai Agpangan, nililigawan ni Alec Dungo?

Nagsimulang maugnay ang pangalan nina Jai Agpangan at Alec Dungo nang yayain ang dalaga ng kaniyang housemate na makipag-date sa kanilang unang linggo sa Pinoy Big Brother House. Hindi nagtagal ay nagkakilala na nang mabuti sina Jai at Alec kung kaya naging bukas na sila sa nararamdaman kanilang mga nararamdaman. Aminado si Alec Dungo na espesyal ang kaniyang nararamdaman para sa dalagang si Jai Agpangan. Bagamat marami ang nakapansin sa nakakaikilig na samahan ng dalawa ay napansin naman ang pag-iwas ng dalaga sa mga pahaging ng housemate.

Sa isang panayam kay Jai Agpangan ay inamin niya na nagulat siya nang bigyan siya ni Alec Dungo ng tila special treatment kapag sila ay magkasama. Hindi raw sanay si Jai dahil baka close feelings lamang daw ang nararamdaman ni Alec. Aniya, sa labas ng bahay naman talaga dapat abangan ang intensyon ni Alec para sa kaniya at hindi sa loob ng PBB House dahil sila-sila lamang ang nandoon. Hindi itinanggi ni Jai Agpangan na pwede raw talagang madevelop ang nararamdaman ng mga housemates dahil sa tatlong buwan nilang pamamalagi rito.

Habang nasa loob ng bahay ay kitang-kita na tila patay na patay ang binatang si Alec kay Jai. Madalas itong nakikita sa kamera na inaamoy ang buhok ng dalaga at hayagang sinasabi na siya raw ang nagpapasaya sa binata. Ang karanasang umano ito ang nagturo kay Jai Agpangan na maging maingat pagdating sa usaping emosyon kahit pa madalas ang pagpaparamdam ni Alec Dungo sa kaniya. Nakaranas na rin daw siya ng ganitong mga pagbabago at pagdating dito ay nag-iingat na raw ang housemate na si Jai Agpangan. Nagkaroon na rin daw ng mutual understanding noon ang dalaga sa isang lalake ngunit nauwi lamang ito sa wala kung kaya iniiwasan niya nang mangyari pa ulit ito.

Hindi naman daw ibig sabihin nito ay hindi niya na bibigyan ng pagkakataong makilala pa ang binatang housemate ngayong tapos na ang kanilang pagsasama sa loob ng bahay. Naging malapit na rin daw ang dalawa simula nang lumabas sila sa PBB House at hindi raw ito inaasahan ni Jai. Sa loob ng bahay ay madalas umanong ibahin ng dalaga ang topic kapag nagsisimula nang maglambing ang binatang si Alec Dungo sa kaniya. Nilinaw ni Jai Agpangan na bagamat malapit sila sa isa’t-isa ay nananatili pa lang daw silang magkaibigan ng kaniyang housemate.

Full Story @ Tsismoso