Zsa Zsa Padilla, nagpasalamat sa mga nagmamahal kay Dolphy

Malaki ang pasasalamat ni Zsa Zsa Padilla sa lahat ng mga taong sumuporta at nagmahal sa kaniyang lontime partner na si Dolphy. Noong July 10 ay tuluyan nang namaalam si Dolphy matapos nitong makipaglaban ng halos apat na taon sa kaniyang sakit na COPD. Matapos ang makapagdamdaming eulogy ni Zsa Zsa sa partner ng halos 23 taon sa Dolphy Theater ay nagpaunlak din ito ng isang panayam sa Heritage Memorial Park kung saan kasalukuyang nakaratay ang mga labi ng komedyante. Inamin ni Zsa Zsa Padilla na ang dalawa nilang anak ni Dolphy na sina Nicole at Zia ay nahihirapan pa rin tanggapin ang pagkawala ng ama. Ang panganay nila ay nakabase sa Australia at doon na nagtatrabaho kung kaya didiretso na ito doon matapos ilibing ang kaniyang ama. Si Zia naman ay sobrang ring nahirapan dahil dalawang taong nakasentro ang kanilang schedule sa kalagayan ni Dolphy.

Simula nang malaman nila ang sakit ni Dolphy ay lagi na silang nag-aalala sa ama ng tahanan lalo na at kapag wala sila sa tabi nito. Kapag nagbabakasyon umano sina Zsa Zsa Padilla ay madalas nilang isipin kung kailangan na nilang bumalik dahil sa kalagayan ni Dolphy. Naaawa raw kasi sila kapag naiiwan ito at nagbabakasyon ang mag-ina. Nakakapanibago na rin daw dahil hindi na nila ito iisipin ngayong wala na si Dolphy na kanilang lubusang ikinalungkot.

Hindi naman kaila sa lahat na kitang-kita sa singer na hirap na hirap din siya sa pagkawala ng katuwang niya sa buhay. Hindi pa raw kayang tanggapin ang ideyang wala na talaga si Dolphy. Bago pa pumanaw ang partner ay humingi na raw siya ng tulong sa mga kamag-anak na suportahan siya kung ano man ang pwedeng mangyari sa kaniya kapag dumating na ang kanilang kinakatakutan. Marami na raw kasi ang mga kaibigan ni Zsa Zsa Padilla ang nagsabi sa kaniyang lalo pang magiging mahirap ang sitwasyon  habang ito ay tumatagal.

Hindi niya rin alam kung makakabangon pa siya sa kaniyang higaan ngayong hindi niya na kasama si Dolphy. Kahit noong nasa ospital si Dolphy ay humingi na raw ng tulong si Zsa Zsa sa kaniyang ate dahil alam nilang hindi na rin tatagal ang buhay nito dahil sa sakit. Noong mga panahong hindi natuloy ang kasal ni Zsa Zsa Padilla at Dolphy ay inamin niya na dumaan siya sa depresyon kung kaya malaki ang kaniyang ipinayat noong ika-40 niyang kaarawan. Hindi niya rin itinanggi na nawalan siya ng gana sa buhay kung kaya natatakot siya na maulit mulit ito ngayong pumanaw na si Dolphy.

Ikinuwento rin ni Zsa Zsa noong nakalipas na isang linggo ay bumalik na sila sa kani-kanilang trabaho kasama ang mga anak ni Dolphy. Madalas din daw niyang kinukulit si Dolphy sa mga panahong iyon at natuwa siya nang mag I love you ang komedyante sa kaniya kahit wala itong boses. Hanggang ngayon ay kinakausap pa rin umano ni Zsa Zsa Padilla si Dolphy kahit wala na ito. Sapat na raw para sa singer na malaman na binabantayan ni Dolphy ang kaniyang pamilya.

 

Full Story @ Tsismoso