Isang bonggang victory party na hitik sa mga sorpresa ang hatid ng "ASAP 2012" ngayong Linggo (Nobyembre 25) bilang selebrasyon sa paghakot nito ng awards kamakailan sa 26th PMPC Star Awards for TV kung saan kinilala ang noontime musical variety show ng ABS-CBN bilang Best Musical/Variety Show. Wagi rin ang "ASAP 2012" mainstays na sina Billy Crawford at Toni Gonzaga bilang Best Male and Female TV Hosts.
Tiyak na magiging big winner rin sa TV viewers ang royal send-off celebration na ihahandog ng ASAP Kapamilya para kay Bb. Pilipinas Universe na si Janine Tugonon na nakatakda nang lumipad pa-Las Vegas para sa pinakaaabangang Ms. Universe 2012 pageant sa Disyembre.
Bukod sa pang-reynang farewell para kay Janine, back-to-back must-see musical performances naman ang maghahari sa ASAP centerstage sa makatindig-balahibong vocal act ng ballet musical "Rama Hari" lead stars na sina Christian Bautista at Karylle kasama si Maestro Ryan Cayabyab at ang Ballet Philippines; na susundan ng astig na rock collaboration nina Bamboo, Gloc 9, Jet Pangan, Wency Cornejo, at ng bandang Parokya ni Edgar.
Hindi rin pahuhuli sa pasiklaban ng talento ang Kapamilya teen stars na sina Ella Cruz, Miles Ocampo, Jerome Ponce, Karen Reyes, Ryan Boyce, at Tippy dos Santos na may inihandang espesyal na production number.
Tuloy-tuloy ang selebrasyon sa "ASAP 2012" sa paggawad ng platinum award sa birthday girl na si Angeline Quinto; at sa birthday bash ng Kapamilya hunk na si Ejay Falcon kasama ang kanyang love team partner na si Empress.
Samantala, muling saksihan ang kakaibang talento ng mga Pinoy sa world-class concert experience na ihahandog nina Toni, Billy, Gary Valenciano, ZsaZsa Padilla, Sam Milby, Erik Santos, Jed Madela, Nikki Gil, at Jericho Rosales.
Abangan din ang makapigil-hiningang dance showcase nina Iza Calzado, Maja Salvador, John Prats, Iya Villania, Sam Concepcion, Rayver Cruz, at Robi Domingo sa 'Supahdance.'
Makikanta, makisayaw, makisaya at maki-showdown sa "ASAP 2012" ngayong Linggo, 12:15 ng hapon sa ABS-CBN. Para sa updates, pictures at tsansang maka-hang out nang live ang stars ng ASAP Chill-Out, bumisita lamang sa http://asap.abs-cbn.com/, sundan ang @ASAPOFFICIAL sa Twitter, o i-'like' ang http://facebook.com/asapofficial.
By Night Owl || Full Story: Kapamilyanewsngayon
0 comments:
Post a Comment