Nakatutuwa at naiibang love triangle ang tampok sa episode nina Piolo Pasual, Zaijan Jaranilla at Xyriel Manabat sa pinakaaabangang romance anthology at star-studded celebrity movie event ng taon na handog ng Star Magic at Star Cinema, ang "24/7 In Love" na ipalalabas na sa mga sinehan sa buong bansa sa November 21 (Wednesday).
Solid ang samahan ng mentally challenged na si Pipoy (Piolo) at ang batang si Jomar (Zaijan). Sa buong ampunan, ang pagkakaibigan nila ang pinakahinahanggan dahil sa kabila ng malaking diperensya ng kanilang mga edad ay halos lahat ng bagay ang pinagkakasunduan nila.
Ngunit isang babae ang nakatakdang sumubok sa mag-bestfriends--si Ayie (Xyriel), ang batang anak ng kusinero sa ampunan. Sa kabilang ng matinding panliligaw ni Jomar kay Ayie, palagi pa rin siyang binabasted nito. Pero naging mas masakit ang first heartbreak niya nang matuklasan ni Jomar na ang gusto ng kanyang first love ay ang kanyang bestfriend na si Pipoy.
Paano haharapin ni Pipoy ang nararamdamang pagseselos ni Jomar? Mauunawaan ba niyang karibal na ang turing sa kanya ng kanyang kaibigan? Matatanggap ba ni Pipoy ang malalaking pagbabago?
Ang episode nina Piolo, Zaijan at Xyriel ay sa ilalim ng direksyon ni Dado Lumibao.
Bukod kina Piolo, Zaijian at Xyriel, tampok rin sa star-studded romance anthology na "24/7 in Love" sina Sam Milby at Pokwang; Diether Ocampo at Maja Salvador; Daniel Padilla at Kathryn Bernardo; Kim Chiu at Gerald Anderson; Bea Alonzo at Zanjoe Marudo; at Angelica Panganiban at John Lloyd Cruz.
Ang "24/7 In Love" ay bahagi ng engrandeng pagdiriwang ng 20th anniversary ng Star Magic. Tampok rin sa "24/7 In Love" ang iba pang Star Magic artists na sina John Lapus, Maricar Reyes, Jayson Gainza, Matt Evans, Nina Dolino, Joseph Marco, Jason Francisco, Helga Krapf, Andrei Felix, Seppi Borromeo, at Ian Rusell.
Huwag palampasin ang star-studded celebrity movie ng taon, "24/7 in Love," na ipalalabas na sa Nobyembre 21 (Wednesday).
Para sa karagdagang impormasyon tungkol sa "24/7 in Love," mag- log on lamang sa http://www.StarCinema.com.ph/, http://facebook.com/StarCinema athttp://twitter.com/StarCinema.
By Night Owl || Full Story: Kapamilyanewsngayon
0 comments:
Post a Comment