Hook na hook ang sambayanan sa adventures ng cute na robot sa Primetime Bida ng ABS-CBN na si "E-Boy." Pinakapinananabikan na rin ang paglabas ng bida nitong si Bugoy Cariño at kung paano siya magdadagdag kulay sa kuwentong agad nang inibig ng mga manonood.Ngunit bago pa man ipamalas ni "E-Boy" ang taglay niyang powers sa mga susunod sa episodes, muling balikan ang simula ng family drama series ngayong Linggo (Pebrero 12) sa marathon special na pinamagatang "E-Boy: Ang Unang Yugto." Ipalalabas ito sa ganap na 10:15 ng umaga, bago ang "ASAP 2012." Alamin kung paano binuo ni Gabriel (Martin del Rosario/Ariel Rivera) ang robot na naging tulay niya sa pagtanggap ng kanyang ama (Jaime Fabregas) at ugat naman ng pagkamuhi ng kapatid niyang si Miguel (Joseph Marco/Jomari Yllana).
Tuklasin din kung paano nabuo ng pangarap ang masayang pamilya nina Gabriel, Ria (Empress/Agot Isidro), Adrian (Makisig Morales), at Miyo (Deydey Amansec) at kung paano ito winasak ng inggit at galit. Ano nga ba ang siketo ni "E-Boy" at mabilis niyang nakuha ang loob ng batang si Miyo?
Samantala, patuloy na tutukan ang mga nakamamangha at nakaaantig na tagpo sa “E-boy,” gabi-gabi, pagkatapos ng “TV Patrol” sa Primetime Bida ng ABS-CBN. Para sa karagdagang updates, mag-log on lamang sa www.abs-cbn.com o sundan ang @abscbndotcom sa Twitter.
By Night Owl || Full Story: Kapamilyanewsngayon
0 comments:
Post a Comment