Parating na naman ang Araw ng mga Puso at magdiriwang na naman ang mga nag-iibigan. Pero hindi sa lahat ng oras pagmamahalan ang nangingibabaw sa magkasintahan dahil minsan ito pa ang dahilan ng krimen.Hihimayin ni Pinky Webb ang mga kasong may kaugnayan sa pag-ibig ngayong Lunes (Feb 13) sa Valentine's Day episode ng "XXX."
Hindi na iba sa publiko ang mga kuwento kung saan nakapatay ang isang tao dala ng matinding selos o nakaranas ng pananakot mula sa dating nakarelasyon. Paano nga ba makakaiwas sa mga ganitong sitwasyon at ano ang dapat gawin sakaling maging isang biktima nito?
Kung ang iba'y nakakagawa ng kasamaan dahil sa pag-ibig, ang iba naman ay patuloy na naghahanap ng maiibigan sa pamamagitan ng social networking sites. Sa paglaganap ng Valentine's promos sa porn sites, bubusisiin naman ni Anthony Taberna ang isang reklamo laban sa isang guro na aktibo raw sa isang porn site at sa loob ng eskwelehan nakikipagkita.
Ang pagbebenta naman ng sex toys sa bangketa sa Avenila, Maynila ang sisiyasatin ni Julius Babao at anong kapahamakan ang maaaring maidulot ng paggamit nito.
Ang “XXX” ay hinirang din na Best Public Service Program ng Golden Dove Awards at Oustanding Crime/Investigative Program ng Golden Screen TV Awards noong nakaraang taon.
Pakatutukan ang “XXX” ngayong Lunes (Feb 13) pagkatapos ng Bandila¨sa ABS-CBN. Mapapanood din ito sa DZMM TeleRadyo (SkyCable ch 26) sa parehong araw sa ganap na 9:15 PM.
By Night Owl || Full Story: Kapamilyanewsngayon
0 comments:
Post a Comment