Karla Estrada, masaya sa career ni Daniel Padilla

Unti-unti nang gumagawa ng sariling pangalan ang binatang anak ni Karla Estrada  na si Daniel Padilla sa showbiz bilang isang magaling na aktor at maging isang singer. Masaya naman ang ina ng aktor dahil sa magandang nangyayari sa career ng kaniyang panganay na anak. Nagpapasalamat si Daniel sa kaniyang mga magulang dahil sa kanila umano nakuha ang kaniyang talento sa pag-arte. Bukod sa pagiging artista ay isa ring singer noon si Karla noong siya ay nasa showbiz pa lamang kung kaya maaaring sa kaniya nakuha ni Daniel ang galing sa pagkanta.

Aminado ang dating aktres na si Karla Estrada na napabilib siya ni Daniel Padilla lalo na at unti-unti na umanong gumagaling sa pag-arte ang binata.

Ipinagmamalaki ni Karla ang natural na pag-arte ni Daniel lalo pag nasa harap na ito ng kamera. Pansin ni Karla Estrada na hindi nag-e-effort masyado si Daniel Padilla sa kaniyang pag-arte pero napapanatili naman daw nito ang maganda ang kaniyang trabaho. Maging ang ratings ng serye ng kaniyang anak ay gumaganda kung kaya mas lalo pa siyang nagiging proud maging ina ng binata. Habang tumatagal ay nagiging abala na si Daniel dahil sa kaniyang trabaho lalo na at nagkaroon na ito ng kaniyang first album. Ngayon ay naging mas maluwag naman si Karla sa kaniyang panganay na anak.

Inamin ni Karla Estrada na noong bata pa si Daniel Padilla ay hindi niya ito pinapalabas nang mag-isa. Natutuwa rin siya dahil hindi lakwatserong binata si Daniel kung kaya hindi na siya nag-aalala sa binata. Binuko naman ni Karla Estrada ang anak na bukod sa pagpunta sa trabaho ay madalas na binibisita ng binata ang kaniyang leading lady na si Kathryn Bernardo sa tahanan nito. Hindi naman daw lumalaki ang ulo ni Daniel Padilla kahit pa gumaganda na ang takbo ng kaniyang career. Kuwento ni Karla, nananatiling normal naman na teenager si Daniel lalo pag ito ay nasa tahanan nila.

Maging ang pera ay hindi naging isyu para sa binata dahil walang naririnig ang dating aktres na reklamo galing sa anak. Pero ang pagiging makulit umano ni Daniel Padilla ay maaaring hindi na maaalis para kay Karla Estrada. Sinusubukan naman daw nito na ibigay ang kaniyang buong suporta sa binata. Sa naganap na album launch ng aktor ay sinurpresa ito ng kaniyang mga magulang. Hiwalay na ang ina nito at ng aktor na si Rommel Padilla pero maganda naman daw ang kanilang komunikasyon. Kapag nakikita raw kasi ni Daniel na magkasama ang kaniyang mga magulang ay gumaganda umano ang pakiramdam nito.

Maging sa pakikitungo ni Daniel Padilla sa kaniyang mga kapatid ay wala naman daw nagbago. Ayon kay Karla Estrada, wala naman masyadong nagbago sa set-up ng kanilang pamilya dahil naging natural lang naman daw ang kanilang pagmamahalan. Ibinuko naman ni Karla kung gaano kaharot si Daniel pagdating sa kaniyang mga kabanda at maging ang kaniyang dingding sa kuwarto ay nabutas na dahil sa pakikipagkulitan nito. Ramdam pa rin ni Karla Estrada ang pagiging bata ni Daniel Padilla lalo na kapag kasama nito ang kaniyang mga kaibigan.

Full Story @ Tsismoso