Hindi inaasahan ni Maja Salvador ang kaniyang natanggap na Urian Award sa kategoryang Best Actress. Ito ay dahil sa mahusay na pagganap ni Maja sa pelikulang Thelma. Isang indie film ang pinagbidahan ni Maja Salvador na nakatulong sa kaniya na masungkit ang kaniyang pinakamimithing Urian Award. Ito ang unang pagkakataon na makakuha ng prestihiyosong parangal si Maja dahil hindi niya naman umano ito inaasahan. Kasama ni Maja Salvador ang iba’t-ibang mabibigat na pangalan sa industriya ng showbiz na kaagaw niya sa Urian Award bilang Best Actress.
Sa ibinigay na acceptance speech ni Maja ay nabanggit niya ang mga mahuhusay niyang katunggali na sina Cherry Pie Picache, Alessandra de Rossi at Eugene Domingo na mga kilalang magagaling na aktres ng indie film. Hindi itnanggi ni Maja Salvador na umasa siya na ang mag-uuwi ng Urian Award ay ang kaniyang iniidolo na komedyante na si Eugene. Ayon kay Maja Salvador, napakahirap umano patawanin ang mga manonood kung kaya isa lamang magaling na artista ang makakagawa nito.
Nang tinawag ang pangalan ni Maja Salvador sa pagkapanalo nito ng kaniyang Urian Award ay hindi agad nakatayo ang dalagang aktres. Tila huminto raw ang lahat sa kaniyang paligid at nanigas ang kaniyang buong katawan sa kaba at pagkabigla. Kung hindi pa raw siya kinausap ng kaniyang road manager ay hindi pa raw siya makakatayo sa kaniyang kainuupuan para tanggapin ang kaniyang Urian Award. Nang tumayo naman daw si Maja Salvador ay tila nahirapan pa siyang huminga.
Sa pag-akyat ni Maja sa entablado ay wala nang tigil ang pag-iyak nito. Ipinaliwanag naman ni Maja Salvador kung bakit masyado siyang naging emosyonal sa panahong iyon. Aniya, bawat artista ay naghahangad ng isang Urian Award. Naitanong pa nga raw ni Maja sa kaniyang sarili kung bakit siya nanalo. Pakiramdam ni Maja Salvador ay hindi pa raw sapat ang kaniyang award na nakuha dahil bilang isang dalagang artista ay marami pa siyang kailangang matutunan sa kaniyang trabaho. Â Hindi rin nakalimutan ng dalaga na magpasalamat sa kaniyang namayapang ama nang tanggapin niya na ang kaniyang Urian Award sa harap ng maraming manonood. Nagpasalamat din si Maja Salvador sa mga taong nasa likod ng ginawa niyang pelikula dahil kung wala umano ang mga ito ay hindi matutupad ang kaniyang pangarap na maging isa sa pinakamagaling na aktres sa industriya.
Full Story @ Tsismoso
0 comments:
Post a Comment