Pasok na si Arci Muñoz bilang opisyal na kandidata ng Miss World Philippines ayon sa franchise owner nito na si Cory Quirino. Marami ang nag-abang kay Arci sa nakaraang press presentation ng mga dalaga pero hindi nakita ang Kapatid aktres na rumampa. Si Cory mismo ang nagkumpirma na pasok na sana ang dalaga sa kumpetisyon. Ang pagkakaroon ng live contract ni Arci Muñoz sa TV5 ang naging dahilan ng pag-atras nito ayon kay Cory Quirino. Baka raw mahirapan ang dalagang aktres sa magiging obligasyon niya sa kumpetisyon kapag siya ay may kasabay na proyekto sa telebisyon.Hindi raw ito maaari ayon kay Cory dahil hindi lang naman daw TV5 talent si Arci dahil tinuturing itong star sa istasyon. Ang nasabing kontrata ng dalaga ay matatapos pa sa taong 2013. Ang Kapatid network naman ang hahawak ng coverage ng naturang patimpalak pero hindi ito magiging dahilan para payagan pa rin si Arci Muñoz na sumali dito. Nirerespeto naman daw ni Cory Quirino ang desisyon ng istasyon ng aktres dahil alam niya na propesyonal ang mga ito.
Paliwanag naman ni Cory, hindi alam ng management ni Arci na ito ay sumali sa beauty pageant. Kusang-loob daw kasing nagprisinta si Arci Muñoz sa pamunuan ng Miss World Philippines. Inamin naman daw ng dalaga na may kasalukuyan siyang kontrata bilang artista. Kinausap naman ni Cory Quirino hindi lang ang magulang ng dalaga kundi pati ang manager nito at napagdesisyunan nila na hindi pwedeng sumali ang aktres.
Nanghihinayang naman daw ang pamunuan nina Cory sa pag-alis ng dalaga dahil pasok na raw ito bilang bahagi ng 25 na contestants sa Miss World Philippines. Kinumpirma rin ni Cory Quirino na umiyak si Arci Muñoz nang malamang hindi na siya matutuloy sa pagsali. Sinabihan naman ang aktres na maaari naman siyang sumali sa susunod na taon. Malaki kasi ang potensyal ng dalaga lalong-lalo na at pursigido naman ito na manalo. Titingnan naman daw nila kung ano ang mangyayari sa susunod na taon.Mayroon namang pumalit na kandidata sa inalisang puwesto ni Arci Muñoz kung kaya kumpleto pa rin ang naging lineup ayon kay Cory Quirino. Mas naging mahigpit din daw ang mga opisyal pagdating sa pagpili ng mga dalagang kandidate kumpara noong nakaraang taon. Kinailangan daw kasing itaas nina Cory ang standards nila sa para mahigitan pa ang narating ni Gwendoline Ruais sa Miss World 2011. Sa susunod na taon ay maaaring paghandaan na rin ni Arci Muñoz ang kaniyang pagsali sa kumpetisyon at umaasa si Cory Quirino na wala na itong magiging problema.
Full Story @ Tsismoso
0 comments:
Post a Comment