Malakas ang usap-usapan ngayon sa lumabas na blind item sa Twitter na patungkol umano kay Gerald Anderson at Sarah Geronimo. Ayon sa balita, itinigil na raw ni Gerald ang panliligaw nito kay Sarah dahil sa ina ng Popstar Princess na si Mommy Divine. Ang sumulat ng naturang blind item ay ang entertainment columnist na si Ogie Diaz. Halata naman umano na si Gerald Anderson at Sarah Geronimo ang tinutukoy nito sa kaniyang tweet dahil tinago niya lamang ang mga pangalan ng dalawa sa pamamagitan ng mga initials ng kanilang pangalan. Ayon sa mga detalyeng inilagay ng kolumnista, sinabihan daw ang aktor ng ama ni Sarah na umakyat ng ligaw sa tahanan nila ngunit kapag nandoon na raw si Gerald Anderson ay iniirapan umano ito ng ina ni Sarah.
Noong nakaraang concert ni Sarah Geronimo sa Araneta Coliseum ay magkakaroon daw sana ng duet kasama si Gerald Anderson pero umayaw dito si Mommy Divine. Nang nagpaalam umano ang binata sa singer na ihihinto na nito ang kaniyang panliligaw dahil nakikita niyang hindi talaga siya gusto ng ina ay hindi raw napigilan ni Sarah na umiyak. Tinimbrihan na rin ng ina ni Sarah Geronimo ang producers na huwag nang ituloy ang pelikulang gagawin ng anak at ni Gerald Anderson dahil nakikita niya umano na nahuhulog na nga ang loob ng anak sa binata.
Ayon sa mga source, may nagtext umano sa ina ni Sarah na may babae diumano ang binatang si Gerald na galing Cebu ngunit ayon sa mga malalapit kay Mommy D ay hindi raw totoo ito. Marami naman ang nagpapayo kay Sarah Geronimo patungkol sa pagpapatakbo ng ina sa kaniyang buhay. Malaki na rawito at naghahanapbuhay kaya bakit hindi na lamang daw iregalo ng ina nito ang tiwala sa kaniya pagdating sa lovelife nito kay Gerald Anderson. Kaya raw nagkakaganito ang magulang ni Sarah ay dahil hinahayaan ng dalaga na gawin ito ng kaniyang sariling ina. Responsable naman umanong bata si Sarah Geronimo kaya hindi maintindihan ng marami kung bakit natatakot pa ang kaniyang ina.
Maging ang paghawak diumano ng cellphone ay limitado na rin kay Sarah. Kinakailangan pa umanong magtago ni Sarah Geronimo pag nakikipag-usap lalo na kay Gerald Anderson. Minsan daw ay may suitor si Sarah na nagpadala ng pagkain sa dalaga pero hindi ito nakita at nakarating sa kaniya dahill hinarang na umano ito ng kaniyang mommy at ipinakain na lamang sa maid. Ilan lamang daw ito sa mga nakaraitng na impormasyon kay Ogie at hindi niya naman daw sinasabi na naniniwala siya rito. Marami rin ang nagsasabi na maaaring magrebelde si Sarah Geronimo dahil tila pinagkakait sa kaniya ang kabataang nararapat sa kaniya. Sa mensahe ni Gerald Anderson sa dalaga noong naging guest ito sa kaniyang programa ay nabanggit nito na sana magkaroon ng oras ang dalaga na gawin at sabihin ang mga matagal na nitong gusto sa buhay .
Full Story @ Tsismoso
0 comments:
Post a Comment