Kim Chiu, umikot ang mundo kay Gerald Anderson

Nanatiling magkaibigan sina Kim Chiu at Gerald Anderson kahit pa nabahiran ng intriga ang kanilang paghihiwalay noon. Anim na taon na ang nakakaraan nang lumabas ng Pinoy Big Brother House si Kim at idineklarang kauna-unahang Big Winner sa naturang reality show. Dito rin sila nagkakilala ng binatang si Gerald at sinasabing naging simula ng kanilang espesyal na samahan. Inamin din ni Kim Chiu na halos umikot kay Gerald Anderson ang kaniyang buhay noong sila ay magkarelasyon pa lamang. Nagsimula sa pagiging matalik na pagkakaibigan ang relasyon ng dalawa hanggang nauwi ito sa isang relasyon bilang magkasintahan. Madalas silang magkasama at magkatrabaho kung kaya ang Kimerald tandem ay naging parte na ng buhay ng kanilang mga tagahanga.

Hindi itinanggi ni Kim Chiu na sobra sobra ang naramdaman niyang pagmamahal noon kay Gerald Anderson pero wala naman daw siyang pinagsisisihan dito dahil nagawa niya naman ang lahat. Ilang taon din na ibinahagi ni Kim at Gerald ang kanilang personal na buhay sa mga tao kung kaya nang maghiwalay sila ay pinagkaguluhan din ito ng publiko. Hindi raw noon alam ng dalaga kung paano aayusin ang kanilang naging problema ni Gerald dahil malaking bagay ito para sa kaniyang Star Magic family at sa kaniyang mga kaibigan.

Nakaramdam din daw noon ng takot si Kim Chiu dahil baka hindi na siya suportahan ng mga tao dahil wala na si Gerald Anderson sa kaniyang tabi. Simula noong 2006 ay nasanay nang magkaroon ng love team si Kim at halos sa apat na taong ito ay hindi siya bumitaw sa kanilang tambalan ni Gerald. Noong mga panahong iyon ay si Gerald Anderson lamang daw ang malapit na kaibigan ni Kim Chiu sa Manila at wala ng iba. Nagpapasalamat naman ang aktres dahil kahit pa hindi niya na partner si Gerald ay patuloy pa rin ang suporta ng kanilang mga tagahanga.

Maraming natutunan si Kim sa kaniyang karanasang ito kung kaya wala siyang pagsisisi na binigay niya ang lahat ng kaniyang makakaya para sa kanilang relasyon ng binata. Nawala man ang tambalang Kim Chiu at Gerald Anderson ay binigyan naman ang dalaga ng tatlong leading man sa kaniyang teleserye kung saan nagkaroon ng magandang chemistry sa telebisyon ang kanilang samahan ng binatang si Xian Lim. Napapabalita rin na nililigawan din si Kim ng kaniyang leading man.

 Kasabay nito ay ipinareha rin si Gerald sa ibang mga dalaga kung kaya ilang taon ding nakapagpahinga ang kanilang tambalan ng dating nobya. Masaya naman daw si Kim Chiu sa kinahantungan ng career niya dahil inalagaan naman daw siya ng Star Magic. Masaya rin daw siya ngayon para kay Gerald Anderson na balitang huminto na sa panliligaw kay Sarah Geronimo. Kasalukuyang abala sina Gerald at Kim sa kanilang bagong pelikula na magsisilbing comeback project nila bilang magkatambal matapos ang halos dalawang taon na paghihiwalay.

Full Story @ Tsismoso