Zsa Zsa Padilla, balik trabaho matapos ang libing ni Dolphy

Ilang buwang hindi nakapagtrabaho si Zsa Zsa Padilla simula nang maospital si Dolphy hanggang ito ay tuluyan nang pumanaw noong July 10. Ilang linggo matapos ang libing ni Dolphy ay bumalik na ang Divine Diva sa kaniyang trabaho sa pelikula at sa kaniyang variety show. Sa darating na Linggo ay makikita na si Zsa Zsa sa ASAP kasama ang kanilang anak ni Dolphy na si Zia Quizon. Kasalukuyan ding nagtatrabaho si Zsa Zsa Padilla sa kaniyang bagong pelikula kung saan makakapareha niya ang singer na si Gary Valenciano sa pelikulang I Doo Bidoo.

Sa Twitter account ng singer ay sinabi nito na nagsisimula na siyang humakbang kahit pakonti-konti para lamang bumangon at gawin muli ang kaniyang nakasanayan kahit wala na si Dolphy sa kaniyang tabi. Kailangan daw ni Zsa Zsa Padilla na gawin ang itinadhana sa kaniya kaya buong tapang niya itong haharapin. Balik na rin siyang gym na hindi niya raw nagawa noong nasa ospital si Dolphy at nakikipaglaban sa kaniyang sakit dahil naging abala sila sa kondisyon nito na naging kritikal.

Aminado rin si Zsa Zsa na araw-araw siyang umiiyak simula nang mawala si Dolphy pero pinipilit niya pa ring tumawa para mapalitan lamang ang kaniyang lungkot. Marami ang napabilib sa lakas ng loob ni Zsa Zsa Padilla dahil hindi ito bumitiw sa kanilang 23 taong pagsasama ng partner na si Dolphy. Noong nakaraang July 25 ay hindi nakapunta si Zsa Zsa sa puntod ni Dolphy kung saan dinaluhan ito ng mga anak ng Comedy King. Masama raw ang pakiramdam nito at namamanhid ang paa.

Ayon sa mga kasamahan ni Zsa Zsa  sa trabaho ay nakikita naman nila na sinusubukan nitong huwag malungkot kung kaya nililibang din nila ito. Lumabas din ang balitang nagpakita si Dolphy sa partner nang makita ito ni Zsa Zsa sa kanilang cctv camera. Kahit pa may bahid pa rin ng kalungkutan a iniisip na lamang ng singer na sa bawat sulok ng kanilang tahanan ay naging bahagi nito si Dolphy. Maging ang mga anak ni Dolphy ay handa na rin daw mag-move on sa mga nangyari dahil alam nilang nasa mabuting kalagayan na ang kanilang ama. Katulad ni Zsa Zsa Padilla ay humiling din ang marami sa kanila na magparamdam ang ama kahit sa panaginip dahil miss na miss na raw nila ito.

Full Story @ Tsismoso