Sam Milby, naniniwala sa chemistry nila ni Judy Ann Santos

Excited na si Sam Milby para sa bago nilang teleserye ni Judy Ann Santos na pinamagatang Against All Odds dahil alam niya umano na magiging maganda ang chemistry sa pagitan nila ng batikang aktres. Sa ngayon ay abala pa sina Sam at Juday sa kanilang promo shoot. Masaya rin ang binatang aktor dahil ipinalabas na sa trade launch ang kanilang proyekto ni Judy Ann at nakatanggap naman ito ng magandang feedback.

Ito ang unang pagkakataon na makatrabaho ni Sam Milby si Judy Ann Santos at naniniwala siyang ito ay isang magandang proyekto para sa kaniya.

Naging makontrobersyal ang teleserye nina Sam at Juday dahil napabalita noon na hindi pumayag ang manager ng aktres na makatambal nito ang binata ngunit nadaan naman umano sa magandang usapan ang mga pangyayari. Sa huli ay pumayag naman si Tito Alfie sa bagong proyekto ni Judy Ann. Isang biyaya naman para kay Sam Milby ang proyektong ito dahil hanggang ngayon ay hindi pa rin siya makapaniwala na makakatrabaho niya ang establisado na aktres na si Judy Ann Santos. Gusto umano ipaalam ng binata kung gaano siya kasaya at ka-excited sa kanilang mga gagawin na magkasama.

Alam naman daw ni Sam na madaling katrabaho si Juday kung kaya hindi siya nag-aalala sa magiging working relationship nila sa serye. Dahil dito ay makikita rin naman daw ni Sam Milby ang magandang chemistry nila ng kaniyang bagong ka love team na si Judy Ann Santos. Naniniwala rin ang aktor na kahit sino ang maging partner ni Judy Ann ay magiging maganda pa rin ang takbo ng programa. Bukod sa magaan katrabaho ay isa rin umano itong magaling na aktres. Ikinuwento ni Sam na nagulat siya kay Juday nang gawin nila ang kanilang trailer dahil sa ipinakitang husay ng aktres sa harap ng kamera.

Ito ay magsisilbing comeback project nina Judy Ann at Sam Milby. Matatandaang matapos ang teleseryeng Kristala ng aktres sa Kapamilya network ay hindi na ito nasundan hanggang siya ay mag-asawa at manganak. Samantala ito naman ang bagong serye ni Sam matapos niyang pumunta sa Amerika para makipagsapalaran sa kaniyang career. Para kay Sam hindi naman daw maiiwasan na makaramdam ng pressure sa bawat trabahong ginagawa niya. Ayaw niya rin umanong mag-expect sa mga reaksyon ng tao sa kanilang pagtatambal ni Juday. Mababawasan naman daw ang pressure para kay Sam Milby dahil makakasama niya si Judy Ann Santos sa kaniyang trabaho.

Full Story @ Tsismoso