Bukod sa mga bagong gimik at updates, mabibigyan na rin ng pagkakataon ang mga tagasuporta na makipagkulitan sa hosts na sina Bianca Gonzalez, John Prats, at Robi Domingo sa labas mismo ng Bahay ni Kuya.
"Para rin maramdaman ng Uber barkada na bahagi sila ng show, kasi hindi naman gagana ang show kung wala sila. Para sa kanila ito," ani John.
Bago ang nakaka-tense na eviction night, papagaanin ng tatlong hosts at ng mascot na si Eps ang Sabado sa mas pinakwelang "Uber Acting" at "Teens Try This at Home" na kinagiliwan at araw-araw na pinapa-trend ng mga tagasubaybay nito tuwing hapon sa micro-blogging site na Twitter.
"Kaya masaya sa show kasi tinatawanan lang namin ang isa't isa at mga sarili namin. 'Yun ang nagpapagaan at nagpapaaliw," pahayag ni Bianca, na aminadong malaking bahagi si John sa atensyong nakukuha ng programa.
Magtatagpo din sa "Uber Weekend" ang finalists ng "Teen Housemates Look Alike" na natipon mula Lunes hanggang Biyernes tampok ang mga ordinaryong taong kahawig ng teen housemates. Tatakbo ang labanang ito hanggang sa matapos ang edisyon kung saan ang mga mananalo ay magwawagi ng tickets sa Big Night.
Bukod naman sa pagbibigay-aliw, aalamin din nina Bianca, John, at Robi ang tunay na pulso ng bayan ukol sa mga nominadong maaaring mapalabas ng PBB house. Tiyak namang malaliman din ang tugon ng tatlong hosts sa pag-uugali ng teen housemates dahil na rin sa pagiging dating housemates nila.
"Siyempre nakaka-relate kami kasi na-experience na namin ang mga pinagdaanan nila, tulad ng nami-miss mo ang family mo, mga siraan sa loob," tugon ni Robi.
Mapapanood pa rin tuwing weekend ang tatak-Uber na mga pakulo tulad ng "Boy Perstaym" ng PBB Unlimited Third Big Placer Joseph Biggel, at ang "Punto ni Paco" kung saan hihimayin ni PBB Unlimited Fourth Big Placer Paco Evangelista ang mga pinakamaiinit na isyu sa loob ng Bahay ni Kuya.
Huwag palampasin ang walang humpay na mga pasabog at katuwaan nina Bianca, John, at Robi sa "PBB Teen Edition 4 Uber 2012 Weekend" simula ngayong Sabado (Mayo 12), 4 p.m. pagkatapos ng "Showbiz Inside Report" sa ABS-CBN. Huwag namang magpahuli sa mga pinakabagong kaganapan sa Bahay ni Kuya at sundan ang Sekretarya ni Kuya sa @OfficialPBB4 sa Twitter at i-like angwww.facebook.com/OfficialBigBrother. By Night Owl || Full Story: Kapamilyanewsngayon
0 comments:
Post a Comment