The bubbly girl could not believe that she is now part of the said Kapuso network's top-rating program. In an interview with her, she shares her happiness on working with GMA's Primetime Queen Marian Rivera. "Idol ko po si Ate Marian at ngayon makakasama ko na siya dito po sa show. Ang saya-saya ko po. Thank you kay Lord."
Ryzza will surely add laughter to the series as she acts opposite comedy's biggest names such as Ms. Nova Villa, Mr. Roderick Paulate and Marian Rivera.
Meanwhile, Meg meets up with her facebook friends Justin Betong (Betong Sumaya) and Bruno Mark (TJ Trinidad) but the workers from Same Same Café don't trust Justin Betong because of his looks.
What are their roles on Meg's life? To whom will she give her trust?
Find out the answers on the exciting episode of Tweets for my Sweet on Sunday after 24 Oras Weekend on GMA.
text courtesy of GMA Network photo source: @lendlfabella via her twitter By Zeaven28 || Full Story: Pinoy Showbiz Surfer
Nananatiling kritikal ngunit stable ang kondisyon ni Dolphy ayon sa kaniyang doktor na si Eric Nubla. Ang naturang Head ng Patient Relations ng Makati Medical Center na si Eric ay ang naghatid ng balita sa mga press patungkol sa inaabangang kondisyon ni Dolphy.
Ibinalita rin ni Eric Nubla na naging mas strikto rin ang mga doktor ni Dolphy lalo na sa mga bisita. Ito umano ay dahil sa exposure ng viruses at bacteria na maaaring makaapekto sa malalang kondisyon ni Dolphy. Bukod dito ay sinabi rin ni Doctor Eric na gusto rin maprotektahan ang privacy ng pamily Quizon. Nakiusap din si Eric Nubla sa mga taong gustong bumisita sa pasyete ay kailangang  i-contact muna ang mga kamag-anak nito bago dumeretso sa ICU. Paliwanag ni Eric, limitado umano ang mga taong pinapayagan pumasok sa ICU ng ospital kung kaya kailangang intindihin ng mga bibisita na pamilya lamang ang pwedeng pumasok.
Dahil sa tagumpay ng pelikula ni Eugene Domingo ay inaasahan pa umano na masusundan pa ang Kimmy Dora. Nagpapasalamat si Eugene sa naging tagumpay ng kaniyang pelikula sa tulong na rin ng mga tagahanga at kaniyang mga kaibigan. Maganda rin umano ang pakiramdam ni Eugene Domingo dahil kasama niyang tumatawa ang mga audience ng Kimmy Dora sa sinehan. Showing pa rin sa iba’t-ibang mga sinehan ang Kimmy Dora at hindi raw natatakot ang aktres kahit pa sabayan sila ng international movies katulad ng Spiderman.
Kinilala si Eugene Domingo bilang isa sa mga mahuhusay na Filipina sa naganap na Pinay and Proud exhibit. Nagpapasalamat si Eugene dahil bukod sa magandang naging resulta ng kaniyang pelikulang Kimmy Dora ay nakilala rin ang kaniyang natatanging talento. Natatawa namang ikinuwento ni Eugene na ang kinita niya sa pelikula ay ang gagamitin niyang pocket money para sa kaniyang pagbabakasyon sa ibang bansa. Aniya, kinakailangan niya umanong magpahinga dahil sa kaniyang pinagpagurang pelikula. Umaasa si Eugene Domingo na tuloy-tuloy nang tatangkilikin ng mga tao ang pelikulang Pinoy dahil malaki umano itong tulong para sa industriya.
Lumabas ang balitang inihinto na umano ni Gerald Anderson ang panliligaw niya kay Sarah Geronimo. Itinanggi naman ito ni Gerald at nilinaw na kinikilala lang talaga niya nang husto si Sarah. Sa isang panayam sa Pop Princess na si Sarah Geronimo ay nabanggit nito na ang nagustuhan umano niya kay Gerald Anderson ay ang kabutihan nito. Sinagot din ni Gerald ang mga kumakalat na espekulasyon patungkol sa lihim na namamagitan sa kanila ni Sarah. Aminado ang binata na mahirap daw sa ngayon ang sitwasyon nila ng singer dahil pareho silang abala sa kanilang mga trabaho. Ayon kay Gerald Anderson, dapat daw isipin ang maraming bagay katulad ng kanilang mga pamilya at trabaho.
Nauunawaan naman daw ni Gerald Anderson ang Mommy Divine ni Sarah Geronimo kung mas gusto nito na non-showbiz guy ang makatuluyan ng kaniyang anak. Para kay Gerald, hindi naman daw talaga simple ang magkaroon ng relasyon na taga-showbiz dahil malaking bagay ang pagsakripisyo ng privacy. Sa parehong trabaho nila ni Sarah ay hindi talaga maiiwasan na mapakialaman ng ibang tao ang kanilang personal na buhay. Hanggang ngayon ay umaasa naman si Gerald Anderson na mapatunayan sa mga magulang ni Sarah Geronimo na mabuti ang kaniyang intensyon sa singer-actress. Kung sakali namang mauwi lang sa pagkakaibigan ang relasyon nilang dalawa ay magiging masaya pa rin daw ang binata dahil nabigyan siya ng pagkakataon na makilala pa nang mabuti ang kaniyang hinahangaang babae.
Masaya si Judy Ann Santos sa kaniyang pagbabalik telebisyon lalo na sa kaniyang bagong proyekto. Pinamagatang Against All Odds ang bagong teleserye ni Juday at ipinagmamalaki ng aktres na makakarelate umano dito ang maraming kababaihan. Ang bagong pagkakaabalahan ng aktres ay sigurado umanong magandang programa para sa mga babae lalo na sa mga magulang at mga anak. Isang malaking inspirasyon din umano ang ibabahagi ng teleseryeng Against All Odds sa marami. Ayon kay Judy Ann, hindi ito ang tipo ng teleserye na imposibleng magawa dahil para sa kaniya ay walang imposible para sa Kapamilya network.
Matagal na nakapagpahinga si Judy Ann Santos sa teleserye at ngayon ay sigurado umano siya na ibibigay niya ang lahat ng kaniyang makakaya para sa bagong proyekto. Masaya naman ang aktres dahil accommodating ang staff ng production sa kaniyang mga hinihinging request pero iginiit na give and take ang magiging relasyon niya dito. Para kay Juday, dinadaan lang naman daw sa magandang usapan ang lahat ng negosasyon kung kaya wala siyang problema sa kaniyang bagong trabaho at schedule. Ngayong isa nang ina si Judy Ann Santos ay marami rin umano ang dapat niyang isakripisyo para ibalanse ang kaniyang oras sa pamilya at oras para sa kaniyang trabaho sa Against All Odds. 
Bukod sa pagiging aktor at singer ng binatang si Piolo Pascual ay lingid sa kaalaman ng marami na isa rin siyang matagumpay na producer. Masayang-masaya si Piolo dahil sa magandang pagtanggap ng tao ng ikatlong pelikula ng Kimmy Dora. Sa paglabas ng  Kimmy Dora and The Temple of Kiyeme ay kumita na ito agad ng ilang milyon matapos ang isang linggo. Nagpapasalamat naman si Piolo Pascual sa magandang kinalabasan ng comedy movie dahil kailangang kumita ang pelikula para sa kinabukasan ng Spring Films. Noong Saturday ay umabot na umano ng halos P100 million ang kinita ng pelikula ni Piolo kung kaya umaasa siya na lalaki pa ito sa susunod na linggo. Nagkaroon din ng Thanksgiving Party sina Piolo Pascual at iba pang producers ng pelikula dahil sa pagtabo sa takilya ng naturang pelikula.
Para sa aktor, hindi lamang daw Kimmy Dora ang magbibigay sa kaniya ng experience pagdating sa pag-produce dahil marami pa siyang gustong matutunan. Mas gusto lamang daw ni Piolo Pascual na maging mas magaling pa siya sa kaniyang mga ginagawa. Nagpapasalamat din si Piolo sa bida ng kaniyang pelikula na si Eugene Domingo. Kung hindi umano dahil sa kaniya ay hindi rin umano magiging matagumpay ang kanilang pinaghirapang pelikula. Umaasa si Piolo Pascual na hindi lang si Kimmy Dora magtatapos ang kaniyang pagproduce.
Nagpapasalamat si Karylle sa lahat ng mga taong tumutulong na magdasal para sa kalusugan ng partner ni Zsa Zsa Padilla na si Dolphy. Ayon kay Karylle, hindi na madalas makita ang inang si Zsa Zsa sa telebisyon dahil mas gusto umano nito na makatabi ang may sakit na partner. Nilinaw ni Karylle na hindi siya makakapagbigay ng statement patungkol sa kalagayan ngayon ni Dolphy dahil pinili nina Zsa Zsa Padilla si Eric Quizon na maging tagapagsalita ng pamilya. Kapag may bakanteng oras umano si Karylle ay pinupuntahan niya ang inang si Zsa Zsa. Nagpapasalamat din si Karylle sa kaniyang mga pamilya sa It’s Showtime dahil pinayagan siya nitong lumiban ng dalawang araw para samahan ng beteranang singer sa ospital.
Bukas din ang mga anak ni Comedy King sa pagsabing hangang-hanga sila sa katatagan ng kasalukuyang partner ng ama na si Zsa Zsa. Ayon kay Karylle, kahit hindi nakikita ng tao ang kaniyang ina ay hindi naman umano ito nagkukulang sa pag-aalaga ng kaniyang partner. Bilib na bilib rin umano si Karylle sa tapang na ipinapakita ng kaniyang ina. Nakakaya naman umano ni Zsa Zsa Padilla ang pagsubok sa kanilang pamilya dahil na rin umano sa dasal at tulong ng mga tagahanga sa buong mundo sa Hari ng Komedya.
