Masaya ang dalagang si Melissa Ricks sa itinatakbo ng kaniyang career at maging ang kaniyang love life. Suportado naman umano ni Paul Jake Castillo ang mga ginagawa ng nobya kahit pa madalas ay busy ito sa taping. Nabanggit umano ni Paul Jake sa isang panayam na ayaw niya pang pakasalan ang kaniyang nobya na si Melissa. Kamakailan lang ay inamin nina Melissa Ricks at nobyo ang kanilang relasyon at sinabi na hindi na nila kailangang itago ang tunay  na estado ng kanilang pag-iibigan sa publiko.
Nilinaw naman ni Melissa na takot din siya sa usaping pagpapakasal katulad ni Paul Jake dahil sa kaniyang batang edad pero kung nakilala na rin naman umano ang tamang tao para makasama sa habang buhay ay hindi mag-aalinlangan ang dalaga na lumagay sa tahimik. Ilang buwan pa lamang ang itinatagal ng relasyon nina Paul Jake Castillo kung kaya gusto muna ng aktres na makilala pa nang mabuti ang nobyo.
Nakilala na rin ni Melissa Ricks ang mga magulang ng businessman na nobyo. Pinasinungalingan din ng dalagang si Melissa ang mga balitang handa na siyang magpakasal kay Paul Jake ngayon na maganda naman ang tinatakbo ng kaniyang career. Wala namang problema si Melissa Ricks sa mga paniniwala ni Paul Jake Castillo patungkol sa pagpapakasal. Kung ang aktres ang tatanungin ay kawalan umano ng binata kung ayaw nitong maniwala sa pagpapakasal. Kung si Paul Jake na raw talaga ang lalakeng para sa kaniya ay maiintindihan naman daw ni Melissa kung sakaling magdesisyon ito na huwag magpakasal sa kaniya.
Sa ngayon ay sapat na raw kay Melissa Ricks ang pagiging inspirasyon sa kaniya ng nobyo. Araw-araw na nagtatrabaho ang aktres kung kaya hindi maiiwasan ang matinding pagod mula sa kaniyang teleserye pero nandiyan naman daw si Paul Jake Castillo para paghugutan niya ng inspirasyon at lakas sa tuwing siya ay napapagod. Hindi naman daw nila nakakalimutan magkaroon ng oras para sa isa’t-isa dahil ayaw nilang maramdaman ng bawat isa na nababalewala ang kanilang relasyon dahil sa trabaho. Ayon naman kay Melissa, sapat na raw sa bawat isa ang kanilang paglabas paminsan-minsan dahil pareho naman nilang naiintindihan ang kanilang sitwasyon sa trabaho. Naniniwala si Melissa Ricks na makakaya nila ng nobyo ang mga pagsubok na darating sa kanilang relayson.
Full Story @ Tsismoso
0 comments:
Post a Comment