Lumabas ang balita na ang Miss Universe 3rd runner up na si Shamcey Supsup ay engaged na sa kaniyang businessman boyfriend na si Lloyd Lee. Nagulat naman si Shamcey sa mga narinig niya patungkol sa kanilang nalalapit na pagpapakasal umano ni Lloyd. Aniya, maaaring inakala ng tao na engaged na siya kay Lloyd Lee dahil binigyan siya nito ng isang promise ring na puno ng diyamante. Noong isang taon pa ibinigay ng nobyo ni Shamcey Supsup ang naturang singsing. Aminado naman ang beauty queen na umaasa siyang papunta na sa engagement ang ibinigay sa kaniyang singing ng nobyo. Hindi naman makapagbigay si Shamcey ng panahon kung kailan sila ikakasal ni Lloyd pero ayaw niya naman daw umabot ng edad na 30 bago magpakasal. Noong nakaraang May 26 ay nagdiwang ang dalaga ng kaniyang ika-26 na kaarawan.
Bago pa magkaroon ng relasyon si Shamcey Supsup sa binatang si Lloyd Lee ay malaking bagay na para sa beauty queen ang pagpapakasal. Ang dalaga umano ang tipo ng babae na hindi mahilig sa mababaw na relasyon dahil iniisip niya raw ang pangmatagalan na estado ng isang samahan. Tila ang binatang si Lloyd na rin daw ang binatang hinahanap niya at napatunayan niya ito nang siya ay malayo sa nobyo nang pumunta siya sa Brazil para lumaban sa Miss Universe. Buong-buo naman umano ang suporta ni Lloyd Lee kay Shamcey Supsup sa naturang kumpetisyon kahit pa text lang ang kanilang naging komunikasyon.
Ibinigay ng binata ang promise ring sa kaniya nang bumalik siya sa bansa matapos manalo. Naglalakad lang daw sila sa mall at tinanong sa kaniya ng nobyong si Lloyd Lee kung ano ang kaniyang gustong singsing pero hindi alam ng dalagang si Shamcey Supsup na bumili na pala ang binata. Habang nasa kotse raw sina Shamcey ay ibinigay ito sa kaniya ni Lloyd na ikinagulat naman niya. Tuwang-tuwa naman ang dalaga dahil kasyang-kasya sa kaniya ang regalo ng nobyo kahit pa hindi siya hiningan ng sukat nito. Hangang-hanga naman ang dalagang si Shamcey Supsup sa binatang si Lloyd Lee dahil napakagaling umano nitong pumili ng singsing na magugustuhan niya.
Isang taon na ang relasyon ng magkasintahan pero hindi alam ni Shamcey kung makakatanggap na siya ng wedding proposal ngayong taong ito. Kung sakali naman daw na mag-propose si Lloyd sa kaniya ay papayag naman daw siya magpakasal sa kaniyang mahal na boyfriend. Ang dream wedding ni Shamcey Supsup ay garden o forest wedding. Nilinaw naman ng dalaga na hindi mahalaga ang wedding set-up dahil mas mahalaga raw para sa kanila ni Lloyd Lee ay ang kasal at ang buhay nilang dalawa matapos ang kanilang pag-iisang dibdib.
Full Story @ Tsismoso
0 comments:
Post a Comment