AiAi delas Alas nagpakasal na nga ba sa Las Vegas?

Habang tumatagal ay lumalakas ang bulung-bulungan na nagpakasal na ang Comedy Queen na si AiAi delas Alas sa nobyo nito na si Jed Alvin Salang sa Las Vegas, Nevada kamakailan lang. Ang columnist at showbiz talkshow host na si Lolit Solis ang unang nagbalita patungkol sa pagpapakasal ni AiAi diumano sa mas bata na si Jed. Una nang gumawa ng ingay si AiAi at ang nobyo nito nang pagbawalan umano ang binata na lumapit sa komedyante noong mag-concert ito sa ibang bansa. Hindi raw nagustuhan ni AiAi delas Alas ang ginawa ng isa sa mga bodyguard na foreigner kahit pa ipinaalam niya ito na kasama si Jed Alvin Salang sa kanilang grupo. Sandaling umalis ang komedyante sa autograph signing na naganap ngunit bumalik naman ilang minuto matapos ang eksena.

Sa panayam ni Boy Abunda kay AiAi sa The Buzz, hindi niya kinumpirma o itinanggi ang naturang isyu. Si Boy ang tumatayong manager ng komedyante sa  industriya at isa sa pinakamalapit na kaibigan nito. Ang katanungan patungkol kay Alvin ay sasagutin na lamang daw niya pagdating ng tamang panahon. Nang sumali si AiAi delas Alas sa Deal or No Deal ay ipinakita na nito sa publiko ang kaniyang nobyo na si Jed Alvin Salang. Inamin naman ng aktres na inspirasyon niya ngayon ang binata at nananatiling espesyal sa kaniyang puso.

Aminado si AiAi na nahihirapan siyang sagutin ang katanungan patungkol kay Jed dahil marami umanong factor ang pwedeng maapektuhan kung sakaling magsalita siya patungkol dito. Sinigurado naman niya na ipapaliwanag niya sa lahat kapag nabigyan na siya ng tamang panahon at oras para rito. Tinanong ng host sa anak ni AiAi kung may magiging problema ba kung sakaling magpakasal ang kaniyang ina sa nobyo nitong si Jed. Ang naging usapan umano nina AiAi delas Alas at anak nito na si Sancho ay kahit sino pa man ang makatuluyan ng ina ay walang magiging problema rito dahil matagal na umano nitong pangarap na maikasal.

Nilinaw din ng binata na wala siyang problema kay Jed Alvin Salang na kasalukuyang nobyo ni kaniyang ina at napapabalitang asawa na nito. Maging ang manager ni AiAi delas Alas ay nagkomento patungkol dito at sinabing kahit marami pa siyang nalalaman ay mananahimik na lamang siya dahil alam niyang pribadong buhay ito ng kaniyang alaga. Kung sakaling may katotohanan naman daw ito ay ipapakita naman nila ang footage sa mga manonood. Naging makahulugan din ang mensahe ng manager na unang lalabas sa The Buzz kung sakaling may totoo nga ang mga intrigang ito.

Full Story @ Tsismoso