Kababalik lamang galing Amerika ni Cherie Gil kung saan sumailalim siya sa isang throat operation na kaniyang pinaghandaan. Nabanggit noon ni Cherie na matagal niya nang balak magpaopera ngunit naghihintay lamang daw siya noon ng oras para mabakante sa kaniyang mga trabaho. Naging maselan daw ang throat operation ni Cherie Gil kung kaya napagdesisyunan niyang gawin na lang ito sa ibang bansa. Ngayon lamang itinuloy ng batikang aktres ang kaniyang operasyon kahit pa matagal niya na itong iniinda. Kinakailangan na rin daw kasing maibalik ang dati niyang boses lalo pa at naghahanda na rin siya sa isang musical theater.
Masyado na raw mababa ang boses ni Cherie Gil kung kaya ang registration nito ay mahina na rin. Bago pa ang throat operation ay madaling mapagod ang aktres lalo na kapag matagal siyang nagsasalita. Kung hindi raw natuloy ang operasyon ay hindi makakapag-perform sa musical si Cherie. Madalas ding sumisigaw ang aktres sa kaniyang mga ginagawang teleserye na maaaring nagpalala sa kaniyang sitwasyon. Makati at masakit ang nararamdaman ni Cherie Gil sa kaniyang lalamunan kung kaya dito niya na naisip na kinakailangan niya na talaga ang throat operation.
Iba na rin daw ang ginagawang atake ni Cherie sa kaniyang mga roles para maiwasan na ang kaniyang pagsigaw. Namamalat din ang boses ngayon ni Cherie Gil dahil nasa recovery period pa siya ng kaniyang throat operation. Kinailangan daw maging tahimik ng aktres ng dalawang linggo matapos ang operasyon ngunit hindi naman daw ata niya ito nagawa dahil kasama niya ang kaniyang mga anak. Nalulungkot din daw umano siya dahil hindi niya makausap ang mga bata. Dalawang buwang namalagi si Cherie Gil sa tahanan ng kaniyang anak dahil dito na siya nagpahinga matapos ang ginawa sa kaniya sa opsital.
Umaasa rin siya na mapapabuti na ang kaniyang pakiramdam ngayong handa na siyang magtrabaho muli. Ang musical stage-play na Nine ang isa sa mga pinaghahandaan ngayon ni Cherie. Hindi naman daw pwede na hindi kumanta si Cherie Gil kung kaya sinigurado niya na maayos na ang kaniyang boses matapos ang throat operation. Matagal nang pinangarap ni Cherie na kumantang muli kung kaya madalas ang kaniyang pagdasal na umayos na ang kaniyang boses. Natatawa na lamang si Cherie Gil nang sabihin nitong parang boses lalake na siya dahil kapag umoorder siya ng pizza ay sinasabihan siya ng Sir ng operator.
Full Story @ Tsismoso
0 comments:
Post a Comment