Dahil na rin sa dami ng trabaho ay naramdaman na ni Toni Gonzaga ang stress nito kung kaya isinugod na siya sa ospital. Sa isang panayam sa dalaga ay inamin niyang pinilit talaga nitong magtrabaho para sa kaniyang mga naiwang commitments kahit pa kasalukuyan siyang nakakaranas ng sakit. Dapat daw talaga ay tuloy-tuloy na nagpa-confine sa ospital si Toni sa mga panahong iyon. Nakaayos na rin daw kasi ang mga trabaho ni Toni Gonzaga kung kaya nahihiya na siya mag back out kahit pa kilangan niya nang pumunta sa ospital.
Matapos ang pumunta sa ASAP para magtrabaho ay dumeretso na rin si Toni sa The Buzz kung saan isa siya sa mga host nito. Kaya pa naman daw tiisin ni Toni Gonzaga kung kaya binalewala na muna raw nito ang pagpunta sa ospital. Matapos nito pumunta sa kaniyang showbiz-oriented programa ay didiretso na raw siya sa ospital. Ayon naman sa doktor ni Toni, nakakaranas umano siya ng gastro-intestinal problem na maaaring dulot ng stress. Nagsimula umano ito nang siya ay nasa shooting ng kaniyang pelikula. Hindi raw natunawan si Toni Gonzaga hanggang hindi na naging maganda ang kaniyang pakiramdam dahil hindi na siya makadumi.
Nang pumunta sa ospital si Toni ay nagpa x-ray na siya para tingnan kung ano ang naging dahilan ng pananakit ng kaniyang tiyan. Ayon sa mga doktor ni Toni Gonzaga, kinakailangan daw na maging maingat ito sa kaniyang mga kinakain. Normal lamang daw iyon kung kaya nagpasalamat siya dahil tama ang desisyon niyang pumunta sa ospital. Hindi naman itinanggi ng dalaga na kapag di siya kumain ay hindi raw talaga ito kakain pero kapag kumain naman siya ay malaki raw talaga ang kaniyang kinakain. Pinagbabayaran na raw ngayon ni Toni ang kaniyang pagpapabaya sa katawan.
Sa ospital na rin ginawa ang procedure na enema kay Toni Gonzaga para maalis ang mga dumi sa kaniyang tiyan na nagdulot ng pananakit nito. Pero nang ipalinis daw ito ni Toni sa ospital ay hindi pa rin masyadong natanggal ang bigat ng pakiramdam sa kaniyang tiyan. Mataposng kaniyang programa sa The Buzz ay nangako siya na magpapa-confine sa ospital para maka-recover na nang maayos. Ito ay dahil nakakaramdam pa rin ng sama ng pakiramdam ang dalaga kung kaya nasusuka pa ito.
Full Story @ Tsismoso
0 comments:
Post a Comment