Dom Roque, ginamit ang impluwensya ni Beth Tamayo sa showbiz?

Pinasinungalingan ng baguhang aktor na si Dom Roque ang mga balitang ginamit niya bilang pasaporte ang pagiging pamangkin ni Beth Tamayo para makapasok agad sa showbiz. Unti-unti nang nakikilala ang pangalan ni Dom dahil regular siyang napapanood sa panghapong serye na Aryana sa ABS-CBN. Dinepensahan ni Dom Roque ang kaniyang sarili sa mga taong nagsasabing ginagamit niya ang kaniyang Tita Beth Tamayo para sa kaniyang trabaho. Hindi raw naisip ng binata na gamitin ang pangalan ng kaniyang Tita para lamang sa showbiz dahil alam niyang hindi ito maganda. Hinding-hindi raw magagawa ni Dom na gamitin ang kamag-anak para lamang magkaroon ng pangalan sa industriya.

Kahit daw gamitin ang pangalan ni Judy Ann Santos ay hindi rin magagawa ni Dom Roque na kilala bilang matalik na kaibigan ng kaniyang Tita Beth Tamayo. Kahit pa nasa ibang bansa ang dating aktres ay patuloy pa rin naman daw itong nakakausap ng kaniyang pamangkin. Ayon kay Dom, madalas silang mag-usa sa BBM ng kaniyang Tita Beth na nagtatrabaho rin sa ibang bansa. Kinumpirma rin ng binata na maaaring early next year ay bumalik sa bansa si Beth Tamayo. Kasalukuyang nasa San Francisco, U.S. ang tita ni Dom Roque na hindi nakakalimot na magbigay ng advice sa kaniyang pamangkin.

Isa raw sa mga ibinibigay sa kaniyang paalala ni Beth ay ang mag-focus sa kaniyang trabaho at huwag masyadong lumabas at gumimik. Gusto rin daw ni Beth Tamayo na matutunan ni Dom Roque ang makisama sa kaniyang mga katrabaho at maging ang pagmamahal sa propesyon ay sinabihan din siya. Nilinaw din ng binatang aktor na naipit lamang ang kaniyang Tita nang magkaroon ng isyu ang asawa nitong foreigner sa bansa. Lumabas ang balitang kaya lumipad papuntang ibang bansa si Beth dahil sa kasong kinakaharap nito.

Bukas din daw si Dom Roque na makipagtrabaho kay Beth Tamayo kung sakaling magdesisyon itong bumalik ng bansa para mag-artistang muli. Tiyak daw na magiging masaya kung magkakasama sila sa isang serye o pelikula. Hindi naman daw inisip noon ni Dom na papasok din siya sa showbiz katulad ng kaniyang Tita Beth. Sa maikling panahon ay nakabuo na ng liga ng mga tagahanga si Dom Roque at sinasabing isa na siya sa mga isusunod na maging leading men sa Kapamilya network. Masaya naman daw ang binata dito at sigurado rin daw na matutuwa si Beth Tamayo sinusunod niya naman ang mga pangaral nito sa kaniya.

Full Story @ Tsismoso