Sa isang "salubong" birthday party na ginanap kamakailan, walang mapagsidlan ng tuwa si Angel dahil dumalo sa pagdiriwang ang kanyang pinakamalalapit na mga kaibigan.
Naantig din ang dalaga sa ipinalabas na tribute video sa kanyang party kung saan ipinakita ang highlights ng kanyang 10 taon bilang isa sa pinakamaningning na artista sa bansa.
Lalo nang sumaya si Angel ng awitan siya ng lalaking mahalaga sa puso niya ngayon na si Phil Younghusband. Tinatapatan naman ito ng dalaga sa handog niyang song at dance number sa mga bisita.
Isa sa mga regalong itinuturing ni Angel sa kanyang kaarawan ay ang patuloy na pamamayagpag ng "TODA Max" bilang numero unong sitcom sa bansa.
Ayon sa datos ng Kantar media noong nakaraang Sabado (Abril 21), nakakuha ang programa ng 21.1% na TV rating kumpara sa 12.8% at 4.9% ng mga kalabang programa.
Samantala, ngayong Sabado sa "TODA Max," tila'y nagtagumpay si Justin Bibbo (Vhong Navarro) sa pamamanhikan sa tatay ng kanyang pinakamamahal na si Isabel Padausdos (Angel). Tuluyan na kaya itong mauwi sa kasalan?
Tunghayan ang "TODA Max," pagkatapos ng "Maalaala Mo Kaya" sa ABS-CBN. Para sa mga updates, i-like ang TODA Max sa Facebook: http://www.facebook.com/pages/Todamax By Night Owl || Full Story: Kapamilyanewsngayon
0 comments:
Post a Comment