Kasabay ng pagdiriwang ng Labor Day, bibigyang pugay ng ASAP Kapamilya ang masisipag na manggagawang Pilipino sa pag-aalay sa kanila ng de-kalibreng production numbers mula mismo sa pinakamamalaking pangalan sa showbiz.
Pasisiyahin ng Star Cinema ang lahat sa pagbisita ng lead stars ng pinakabago nitong pelikula na "Every Breath U Take" na sina Piolo Pascual at Angelica Panganiban; kasabay ng pagsalubong sa cast ng pinakabagong Primetime Bida fantaserye na "Aryana" sa pangunguna ni Ella Cruz kasama sina Diego Loyzaga, CJ Navato, John Manalo, at Paul Salas.
Huwag palampasin ang kakaibang birthday treat na ihahandog ng award-winning Kapamilya leading lady na si Angel Locsin; at ang makapigil-hiningang dance number na ihahatid ng Box Office Queen na si Cristine Reyes.
Muli namang mapapabilib ang lahat sa kahanga-hangang talento ng "ASAP 2012" mainstays sa pangunguna nina Gary Valenciano, ZsaZsa Padilla, Vina Morales, at Nikki Gil.
Mapapa-relax naman ang lahat sa kani-kanilang tahanan sa inihandang production number nina Christian Bautista, Erik Santos, Yeng Constantino, Zia Quizon, Vincent Bueno, Paolo Valenciano, Xian Lim, Matteo Guidicelli, ASAP Sessionistas, at Boys R Boys; samantalang hindi naman dapat palampasin ang back-to-back duo ni Arnel Pineda at Juris, at nina Billy Crawford at Bamboo; at ang pagsalubong sa pinakabagong miyembro ng ASAP Kapamilya na Never the Strangers.
Muling payayanigin naman ng 'ASAP supahdancers' na sina Iza Calzado, Iya Villania, Enchong Dee, Kim Chiu, Erich Gonzales, Empress, Kathryn Bernardo, Linn Oeymo, Jane Oinieza, Bianca Casado, Devon Seron, Nel Gomez, Arjo Atayde, at Benjamin De Guzman ang ASAP dance floor sa Supahdance.
Maki-party at makisaya sa pinakamagandang summer season sa 2012 Gawad Tanglaw Best Musical Variety Show na "ASAP 2012" ngayong Linggo, 12:15 ng hapon sa ABS-CBN. Para sa updates, pictures at tsansang maka-hang out nang live ang stars ng ASAP Chill-Out, bumisita lamang sa http://asap.abs-cbn.com, sundan ang @ASAPOFFICIAL sa Twitter, o i-'like' ang http://facebook.com/asapofficial. By Night Owl || Full Story: Kapamilyanewsngayon
0 comments:
Post a Comment