Eula Valdez, ayaw pakasalan ang boyfriend

Aminado ang aktres na si Eula Valdez na hindi pa siya handang magpakasal sa kaniyang nobyo na si Rocky Salumbides. Itinanggi rin ni Eula na muli siyang lalabas sa isang sexy male magazine at iginiit na sapat na raw ang paglabas niya noon dito noong isang taon. Hindi naman daw siya pinagbabawalan ni Rocky ngunit hindi umano ito ang tipo na pinangangalandakan ang nobya sa harap ng marami. Alam ni Eula Valdez na hindi rin gusto ni Rocky Salumbides na mangyari ito dahil medyo makaluma raw ang kaniyang nobyo. Ayaw rin umano ng binata na may tumitingin sa kaniyang nobya sa tuwing sila ay magkasama.

Hindi naman ibig sabihin nito ay hindi na supportive si Rocky sa kaniyang 43-taong-gulang na girlfriend. Noong nakaraang taon ay sinamahan pa umano ni Rocky Salumbides ang nobyang si Eula Valdez nang ito ay mag-pose  para sa isang male magazine na ikinagulat naman ng marami. Hindi lang talaga kumportable ang model na maraming lalakeng pumapalibot sa kaniyang nobya. Hindi naman pumasok si Rocky noon sa pictorial ni Eula dahil ayaw daw nito makita ang reaksyon ng mga tao. Alam naman daw ni Rocky Salumbides kung ano ang iisipin ng mga lalaki sa mga oras na iyon sa kaniyang nobyang si Eula Valdez kung kaya umiwas na ito.

Hindi naman daw pinagbawalan ang aktres dahil naiintindihan naman ni Rocky ang kaniyang ginawa. Proud din umano ito kay Eula dahil alam niyang may maipapakita naman daw talaga ito sa mga tao na pwedeng ipagmalaki. Masaya namang ibinahagi ni Eula Valdez na ang kanilang pagsasama ng binatang si Rocky Salumbides ay tumagal na ng halos apat na taon. Habang tumatagal umano ay lalo pang tumitibay ang kanilang magandang samahan. Matured na rin umano si Rocky para sa kaniyang edad at isang mahusay na father material para dalawang anak ni Eula. Natural na raw ang pagiging maalaga ni Rocky Salumbides maging sa kaniyang sariling pamilya at sa mga anak ni Eula Valdez.

Hanggang ngayon ay hindi pa rin annulled ang kasal ni Eula sa dating asawa nito. Bagamat ipinapakita rin naman ni Rocky ang kaniyang pagkagusto na bumuo na ng sarili nilang pamilya ay hindi pa raw handang ayusin ng aktres ang partikular na parte ng kaniyang buhay na ito. Wala naman daw problema ang relasyon nina Eula Valdez at Rocky Salumbides kung kaya minabuti na nilang manatili na lamang sa kasalukuyang estado. Maaaring pag binusisi pa umano ito nina Eula at Rocky ay magkaroon pa ng malaking problema.

Kasal pa si Eula Valdez sa ama ng kaniyang pangalawang anak na si Richard Litonjua na nakasama niya ng ilang taon. Wala raw talagang planong humingi ng annulment si Eula Valdez mula sa kaniya para na rin sa kapakanan ng kaniyang mga anak. Sigurado raw kasi na makakaapekto ito sa kaniyang dalawang anak na may edad na pito at 17 taong gulang. Wala naman problema kay Rocky Salumbides ang ganitong usapin dahil masaya na rin daw sila sa kanilang relasyon.

Full Story @ Tsismoso