Hanggang ngayon ay hindi pa rin daw nawawala ang paghanga ni Gerald Anderson sa kabaitan ng Popstar Princess na si Sarah Geronimo kaya umaasa siya na matupad ng dalaga ang kaniyang mga kahilingan. Pinuri naman ni Gerald ang matagumpay na concert ni Sarah sa Araneta Coliseum noong July 7. Nalampasan umano ng dalaga ang mga expectation ng lahat ng tao sa kaniya at natutuwa dito ang aktor. Hindi raw makakalimutan ni Gerald Anderson nang lapitan siya ni Sarah Geronimo sa kaniyang kinauupuan habang ito ay kumakanta ng It Might Be You. Aminado si Gerald na kinilig siya sa ginawa ni Sarah at kasama niya raw ang lahat ng mga nanood na kinilig.
Pumunta raw si Gerald sa Araneta para ipakita ang suporta nito kay Sarah bilang isang kaibigan. Ayaw naman sagutin ni Gerald Anderson na siya ang pinatatamaan ni Sarah Geronimo sa awiting It Might Be You. Nilinaw ng aktor na naroon lamang siya para suportahan ang dalaga at katulad ng mga marami ay nagulat din siya sa ginawa ni Sarah. Natawa na lang si Gerald nang tanungin kung siya na raw ba talaga ang para sa dalaga. Aniya, si Sarah Geronimo raw ang dapat tanungin ng naturang katanungan at hindi siya.
Ang mahalaga raw ngayon para kay Gerald Anderson ay manatili ang kanilang pagkakaibigan ng singer. Hindi niya naman daw iiwan si Sarah kung sakaling magkaroon ito ng problema dahil mananatili siyang kaibigan nito hanggang sa huli. Nabanggit ni Sarah Geronimo sa kaniyang concert na kalayaan ang kaniyang birthday wish. Para sa aktor, maraming ibig sabihin ang kalayaang hinihingi ng singer. Hindi naman ibig sabihin nito ay gusto nang magka-boyfriend ni Sarah kaagad. Umaasa si Gerald na makamit na ng dalaga ang independence at maturity ngayong nadagdaga na naman ang edad nito.
Nananatili naman daw na nasa ligawan stage ang dalawa at mas gugustuhin umano ni Gerald Anderson na magkakilala pa sila ni Sarah Geronimo. Hindi itinanggi ng binata na espesyal talaga sa kaniya si Sarah dahil sa pagiging totoong tao nito. Pinuri rin ni Gerald ang kabaitan ng singer kahit pa mataas na ang naabot nito sa buhay. Sa July 25 na ang ika-24 na kaarawan ni Sarah Geronimo pero umiwas naman si Gerald Anderson na sabihin kung ano ang kaniyang hinandang regalo sa dalaga.
Full Story @ Tsismoso
0 comments:
Post a Comment