Matapos ipagdiwang ni Xian Lim ang kaniyang ika-23 kaarawan ay nakatanggap agad ang binata ng mga intriga. Sa isang event na dinaluhan ng aktor ay maraming nagsabi na hindi nito pinansin ang kaibigang si Vice Ganda. Nilinaw naman agad ni Xian ang sinasabing insidenteng hindi niya pinansin ang kaibigan nitong si Vice. Aniya, hindi raw siya magpapaapekto sa mga intrigang ito dahil alam niya naman kung ano ang totoo. Nang dumating daw si Xian Lim sa birthday party ay wala pa si Vice Ganda sa mga oras na iyon kung kaya malabo raw ang mga kumakalat na balitang may away silang dalawa kaya hindi sila nagpansinan.
Maaga raw pumunta si Xian sa naturang lugar at umalis agad dahil mayroon siyang hinahabol na flight papuntang Singapore. Gustong linawin ng binata na sa mga panahong iyon ay hindi raw talaga sila nagkita ni Vice. Wala naman umanong rason si Xian Lim para hindi pasinin si Vice Ganda kung sakaling nagkita sila ng mga araw na iyon. Lahat naman daw ng mga tao sa kasiyahan ay binati noon ni Xian at imposibleng hindi niya pansinin si Vice kung sakaling nagkita sila dahil matagal niya na itong kaibigan.
Aminado si Xian Lim na mas gusto niyang dedmahin ang mga isyung wala naman daw katotohanan. Nahihiya rin daw siya sa kaibigan niyang si Vice Ganda dahli nadamay pa ito sa isyu. Gusto lamang daw patunayan ng model-actor na hindi siya magpapaapekto sa kaniyang mga detractors sa showbiz. Iniiwasan na rin umano ni Xian ang isipin pa ang ganitong mga bagay dahil hindi ito makakatulong sa kaniyang career. Baka ano lang din umano ang sabihin ng iba kapag narinig ang mga ito dahil nakasalalay ang pagkakaibigan nila ni Vice na matagal niya nang kakilala.
Sa huli ay malalaman naman daw ang katotohanan patungkol dito at sigurado siyang hindi maaapektuhan ang pagkakaibigan nila ni Vice Ganda. Ang nais lamang ni Xian Lim ay ang makilala pa siya ng mga tao nang lubusan. Ayaw naman daw niyang makilala dahil lamang sa mga isyung lumalabas na hindi na siya namamansin ng kaniyang mga kaibigan. Pinahahalagahan umano ni Xian ang pagkakaibigan nila ng host na si Vice. Nagbigay naman si Xian Lim ng isang maikling mensahe para kay Vice Ganda at sinabing nagulat siya dahil may isyu sa pagitan nila.
Full Story @ Tsismoso
0 comments:
Post a Comment