Bea Alonzo, John Lloyd Cruz abala sa kanilang teleserye

Kasalukuyang nasa Austria sina Bea Alonzo at John Lloyd Cruz para sa taping ng kanilang bagong teleserye. Ito ang magsisilbing reunion nina Bea at John Lloyd sa TV matapos ng ilang taong. Ayon kay Bea Alonzo, nagawa naman nila ng partner ang gusto nilang makuha sa kanilang shooting sa ibang bansa. Umaasa ang aktres na magiging maganda ang kinalabasan ng kanilang pinaghirapan ni John Lloyd Cruz. Kinunan ang 80 pursyento ng mga eksena ng teleserye sa bansang Austria para sa unang linggo nito.

Kahit na matagal na naging makatrabaho sina Bea at Lloydy ay iba pa rin daw ang pakiramdam ng dalaga kapag kaharap niya  na ang aktor. Apat na taon din na hindi nakasama ni Bea Alonzo ang dating leading man kung kaya puno raw ito ng excitement at kaba dahil isa na naman umanong panibagong karanasan ito sa kanilang tambalan. Malaki rin daw ang pinagbago ni John Lloyd dahil habang tumatagal umano ay palaki nang palaki ang binata bilagn isang aktor.

Masaya si Bea Alonzo dahil naabot na umano ni John Lloyd Cruz ang kaniyang mga gustong maabot sa buhay simula nang tumuntong siya sa showbiz. Hindi rin maipaliwanag ni Bea ang kaniyang nararamdaman sa aktor dahil tila kumokontra ang pakiramdam na pagiging pamilyar at pagiging bago sa kanilang mga eksena. Ayon kay Bea, hindi pa rin daw nawawala ang pamilyar na tingin, boses at kilos ng bawat isa kung kaya mas lalo pa umanong nadagdagan ang pagiging kumportable nila sa set.

Bukod sa teleserye ay abala rin sina Bea Alonzo at ang aktor ng reunion movie na nakatakda nang ipalabas sa darating na Agosto. Matatandaang ang huling naging pelikula nina John Lloyd Cruz at ng dalagang aktres ay ang One More Chance na umani ng maraming parangal at papuri. Hanggang ngayon ay kasama rin ang naturang pelikula sa Box Office Hits list ng Star Cinema.

Maraming fans ang nagsasabing iba pa rin daw talaga ang impact ng tamabalang John Lloyd at Bea dahil hindi pa rin nawawala ang chemistry ng dalawa kahit wala silang relasyon sa totong buhay. Aminado si Bea Alonzo na masaya siya sa kasalukuyan niyang nobyo na si Zanjoe Marudo habang si John Lloyd Cruz naman ay balitang tinapos na ang relasyon sa nobyang si Shaina Magdayao.

Full Story @ Tsismoso