Sa kabila ng tagumpay ng aktor na si Paulo Avelino ay ang batikos na ayaw niya umano makatrabaho ang aktres na si Eugene Domingo. Kamakailan lang ay pumutok ang isyu na tinanggihan umano ni Paulo ang maging leading man ni Eugene sa isang stage play. Hindi raw ito natuloy kung kaya ang aktor na si Edgar Allan Guzman na lamang umano ang napili para makapreha si Eugene Domingo. Lumabas din ang mga espekulasyon na mas gusto umano ni Paulo Avelino na mas malaki ang kaniyang pangalan kesa sa komedyante pagdating sa billing.
Agad namang nilinaw ni Paulo Avelino ang isyung ito sa naganap na victory party ng kaniyang teleseryeng Walang Hanggan. Aniya, wala raw katotohanan ang kaniyang pagtanggi na maging leading lady si Eugene. Hindi lamang daw talaga kaya ng schedule niya ang gampanan pa ang pagiging leading man ni Eugene Domingo. Hindi niya naman daw matatanggihan ang kaniyang idolo pero ang schedule niya umano ang humahadlang sa kaniya. Maging ang akusasyon na humiling siya na kailangang mas malaki ang kaniyang pangalan kesa sa aktres pagdating sa billing ay pinasinungalingan din ng binata. Pinipilit naman daw ni Paulo na huwag nang magpaapekto sa isyu sa kaniya dahil alam niya umano sa kaniyang sarili na wala itong katotohanan at hindi niya raw ito magagawa kay Eugene.
Full Story @ Tsismoso
Tila nakapag-move on ang binatang aktor na si Albie Casiño at nakakita na ng bagong pag-ibig. Nauugnay ngayon ang binata sa model-actress na si Dawn Balagot na co-star ng binata sa kaniyang bagong pelikula. Kitang-kita naman na magkahawak pa ng kamay sina Dawn at Albie nang sila ay lumabas sa sinehan ng isang kilalang mall sa Makati City. Agad naman nilang binitiwan ang kamay ng isa’t-isa nang makita nila ang mga taong nag-aabang sa kanilang paglabas. Si Dawn Balagot ang leading lady ni Albie Casiño sa pelikulang The Animals na isang indie film na entry para sa Cinemalaya.
May kissing scene sina Albie Casiño at Dawn Balagot sa kanilang pelikula at aminado ang dalawa na hindi naging madali ang naturang eksena. Parehong first timers sina Albie at Dawn pagdating sa ganitong eksena kung kaya hindi raw nila alam ang gagawin nila noong una lalo na at sa harap pa ng kamera. Kinakabahan daw noon ang aktor dahil natatakot siya dahil baka hindi maging kumportable ang napapabalitang nobya sa eksena.
Inamin na ng batikang aktres na si Helen Gamboa na nagkita na sila ng kaniyang pamangkin na si Sharon Cuneta. Napabalita noon ang naging tampuhan nina Helen at Sharon dahil umano sa pulitika. Si Helen Gamboa ay kapatid ng ina ng Mega Star na nagsilbi na ring pangalawang ina nito. Lalo pang lumaki ang tampuhan noon nina Sharon Cuneta nang hindi umano sinuportahan ni Tito Sotto na asawa ng kaniyang auntie ang asawa ng host-actress na si Kiko Pangilinan para maging Senate President noong 2010. Noong buwan ng May ay inamin ni Sharon na nagkaroon na sila ng komunikasyon ng kaniyang tita Helen matapos ang ilang buwan ng hindi pag-uusap.
Una raw na nag-text si Sharon Cuneta kay Helen Gamboa para ipaalam na gusto niyang ayusin ang kanilang tampuhan. Napaiyak naman daw si Helen dito dahil natutuwa siya at naging mapagkumbaba ang pamangkin sa mga nangyari. Ayon kay Sharon, responsibilidad niya umano na igalang ang kaniyang auntie dahil ito raw ang nararapat. Ayaw niya rin naman daw na magtagal pa ang kanilang hindi pagkakasunduan. Sa huli ay isa pa rin naman daw pamilya sina Sharon Cuneta at Helen Gamboa. Sa ngayon ay mas gusto umano nina Helen at Sharon na magtulungan na lamang sila at isantabi na ang mundo ng pulitika sa kanilang personal na buhay. Balik na rin naman sa dati ang dating relasyon nina Sharon Cuneta at Helen Gamboa matapos ang kanilang pagbabati.
Sa bagong pelikula na pagbibidahan ni Albie Casiño na may pamagat na The Animals ay sinasabing bagay na bagay umano sa kaniya ang karakter na kaniyang ginagampanan. Si Albie ay gumaganap na happy-go-lucky sa pelikula o walang pakialam na estudyante. Nilinaw naman ni Albie Casiño na hindi naman ibig sabihin na ibinigay ang role sa kaniya ay ganoon na siya sa totoong buhay.  Aniya, kahit anong role ay pwede niyang gawin bilang isang artista. Binatikos din umano na bagay na bagay sa kaniya ang titulo ng pelikula na The Animals dahil tinuturing na siya na “animal” ng ilang mga tao dahil sa ginawa niya sa nobyang si Andi Eigenmann. Tanggap na rin nama daw ng binatang si Albie ang mga negatibong impresyon sa kaniya ng maraming tao.
Isang magandang karanasan umano para kay Albie ang kaniyang paggawa ng pelikula. Ang The Animals ay tungkol sa buhay ng mga high school students at mga pinagdaanan nila nang sila ay tumanda. Isa si Albie Casiño sa mga mahahalagang karakter sa pelikula. Nadalian naman si Albie sa kaniyang karakter sa naturang pelikula at nilinaw na hindi bad boy ang kaniyang ginampanan kundi isang happy-go-lucky lamang na estudyante. Bilib na bilib naman si Albie Casiño sa ginawa ng kanilang direktor na si Gino Santos. Nang makita niya raw ang trailer ng The Animals ay hindi niya inakala na magiging ganun ang resulta ng kanilang ginawang pelikula.
Hindi makakalimutan ni Kim Chiu ang pinagsamahan nila ng Star For All Seasons na si Vilma Santos sa kanilang pelikulang The Healing. Ito ang unang pagkakataon na nagkasama sa isang proyekto si Kim at Vilma. Aminado ang dalagang aktres na nakaramdam siya ng kaba nang magkaroon sila ng kanilang kauna-unahang eksena ng batikang aktres. Nagpasalamat naman si Kim Chiu dahil sa una nilang eksena na magkasama ay walang ibinigay sa kaniyang linya. Ayaw naman daw kasi mapahiya ng dalaga sa harap ni Vilma Santos na kilala bilang isa sa mga pinakamagaling na aktres sa bansa.
Personal choice si Kim ni Ate Vi dahil tumatak daw ito sa kaniya nang maging guest siya sa isang TV special ng ABS-CBN kung saan nagpakita ng galing ang dalaga sa pag-arte. Nagustuhan din daw ni Vilma Santos ang pagiging “raw” ni Kim Chiu pagdating sa harap ng kamera. Nang malaman daw niya na ang multi-awarded actress ang kaniyang makakasama sa bagong proyekto ay hindi na raw siya nagtanong sa kaniyang handler kung ano ang kaniyang magiging role dahil sapat na raw na si Ate Vi ang kasama niya.
