Iza Calzado, sinurpresa ng boyfriend sa kaniyang birthday

Kamakailan lang ay nagdiwang ang aktres na si Iza Calzado ng kaniyang ika-30 kaarawan kung saan binigyan siya ng surpresa ng kaniyang nobyo sa pamamagitan ng isang flash mob. Ang nobyo ng aktres ay isang British entrepreneur, sportsman at co-founder ng matchmaking website na TrustCircle na nagngangalang Ben Wintle. Binati ni Ben si Iza sa pamamagitan ng isang VTR at nagbigay ng kaniyang mensahe para sa dalaga. Marami naman ang kinilig dahil hiniling ni Ben Wintle sa kaniyang mensahe na huwag na sanang masyadong magpupuyat ang nobya nitong si Iza Calzado pagdating sa trabaho. Ang huling hiling ng binata ay sana magustuhan ng nobya ang inihandang dinner ng nobyo sa kaniya.

Ikinuwento ni Iza ang kakaibang surpresa sa kaniya ni Ben dahil halos lahat ng kaniyang mga mahal sa buhay ay sumayaw at nagsaya para lang supresahin siya. Habang kumakain si Iza Calzado ay hindi niya inaasahan na biglang nag-freeze ang nag-abot sa kaniya ng wine. Matapos nito ay unti-unting tumatayo ang mga inimbitahang tao ni Ben Wintle. Ang flash mob ay ang pagsayaw nang sabay-sabay ng mga tao sa pampbulikong lugar. Hindi inaasahan ng aktres na ito ay mangyayari sa kaniyang kaarawan dahil sinabihan na rin daw niya ang nobyo na gusto niyang masurpresa sa kaniyang kaarawan.

Akala ni Iza Calzado ay nagsasayaw lamang talaga ang lahat pero unti-unti niyang napapansin na pare-pareho ang kanilang mga dance moves. Dito raw naisip ng dalaga na pinaghandaan nga ito ng kaniyang nobyong si Ben Wintle dahil isang malaking preparasyon ang kinakailangan para rito. Ito raw ang unang pagkakataon ni Iza Calzado na makaranas ng ganitong surpresa at nagmula pa sa espesyal na tao. Tumanggi namang sumagot ang dalaga nang tanungin kung ilang buwan na silang magkasintahan ni Ben. Aniya, sa susunod na guesting na lamang daw niya ibabahagi ang kanilang pag-iibigan ni Ben Wintle. 

Full Story @ Tsismoso

Kris Lawrence, excited na sa kanilang anak ni Katrina Halili

Marami ang nakapansin sa pagiging masayahin ngayon ng singer na si Kris Lawrence at aminado naman ang binata na dahil ito sa kanilang magiging anak ng girlfriend na si Katrina Halili. Kamakailan lang ay lumabas ang balitang pagbasura umano ng korte sa kasong isinampa ng dalaga kay Hayden Kho. Hindi na raw ito masyadong iniintindi pa ni Kris dahil naniniwala siyang nasa bagong kabanata na sila ng kanilang buhay ni Katrina. Ngayong darating na September ay inaasahan nang manganganak si Katrina Halili sa kanilang panganay na anak ni Kris Lawrence. Hindi naman daw nakakalimutan ng R&B singer na paalalahanan ang sexy actress na magpahinga at huwag ma-stress sa mga panahong ito.

Nakahanda na rin ang pangalan na ibibigay ng magkasintahan sa kanilang panganay na anak. Ang napili nila ay ang “Katrence” na ipinagsamangn pangalan ni Katrina at Lawrence. Pinagsama umano ng magkasintahan ang pangalan nilang dalawa at mas gusto nila na unique ang pangalan ng bata. Hindi pa rin kumpleto ang mga gamit ng magiging anak nina Katrina Halili at Kris Lawrence dahil hinihintay nila ang baby shower. Ayon na rin daw sa suhestyon ng iba ay hindi na muna namila sina Kris ng mga gamit ng bata dahil sigurado raw na marami ang magbibigay sa baby shower na ibibigay kay Katrina.

First week umano ng September binabalak nina Katrina Halili magkaroon ng baby shower pero sa ngayon ay hindi pa nila naiimbitahan ang kanilang mga kaibigan. Mga malalapit lamang daw na kaibigan ng dalawa ang imbitado sa espesyal na okasyon at karamihan daw dito ay ang mga kaibigan ni Kris Lawrence sa Party Pilipinas kasama sina Jay-R, Mark Bautista, Rachelle Ann Go, Dennis Trillo, Mark Herras, Ynna Asistio, Jennylyn Mercado, at Geoff Eigenman.

Madalas na nasa bahay ngayon si Katrina Halili at inip na inip na rin daw ito dahil walang masyadong ginagawa. Sinusubukan naman daw ni Kris Lawrence na samahan ang girlfriend kapag siya ay may oras dahil naiintindihan niya ang nararamdaman nito. Inamin din ni Kris na minsan ay nagiging moody rin si Katrina lalo na sa kaniyang kalagayan. Hindi naman daw nauubos ang pasensya ni Kris Lawrence kapag nagkakaroon ng pagkakataon na nagsusungit si Katrina Halili. Madalas din daw kantahan ni Kris ang kaniyang anak sa sinapupunan ni Katrina. Hindi naman masagot ng binata kung kailan nila balak magpakasal ng nobya dahil mas prayoridad umano ang kanilang anak sa ngayon.

Full Story @ Tsismoso

Zoren Legaspi, gusto pakasalan si Carmina Villarroel

Umabot na ng 14 taon ang pagsasama nina Zoren Legaspi at Carmina Villarroel kung kaya hindi na raw makapaghintay ang aktor na pakasalan ang kaniyang longtime partner. Noong taong 2002 ay opisyal nang na-annul ang kasal ni Carmina sa dati nitong asawa na si Rustom Padilla na ngayon ay si BB Gandanghari na. Nangyari ito apat na taon matapos mag-file ng petition for annulment si Carmina Villarroel sa korte. Ayon kay Zoren Legaspi, ang plano nilang pagpapakasal ng partner ay natagalan dahil na rin sa mga teknelidad ng dating kasal ng aktres. Kasalukuyang may dalawang anak si Carmina at Zoren kung kaya umaasa rin ang mga ito na maikakasal ang kanilang mga magulang.

Ikinuwento ni Carmina noong sila ay nagsisimula pa lamang bumuo ng pamilya ni Zoren. Lumipad ng Amerika si Carmina Villarroel nang siya ay limang buwang buntis sa kambal. Kinailangan umanong maiwan ng aktor sa Pilipinas dahil wala umano siyang pagkakakitaan kapag siya ay umalis pa. Nag-ipon nang nag-ipon si Zoren Legaspi para magkaroon ng visa at para na rin umano sa kinabukasan ng kaniyang pamilya. Sa panahong iyon ay kinailangan din naman daw magtago ni Carmina dahil hindi pa siya annulled sa kaniyang kasal. Delikado ang legalidad ng kaniyang kasintahan noon kung kaya gusto rin ni Zoren na huwag muna maging maingay patungkol sa pagbubuntis ng aktres.

Hindi rin daw naging madali para kay Carmina Villarroel ang kaniyang pagbubuntis sa kanilang kambal na anak ni Zoren Legaspi. Nang dumating naman daw ang kanilang mga anak sa buhay nila ay agad nang pumasok sa isip ng aktor na aalagaan niya nang mabuti ang mga ito. Nabanggit din ni Carmina na kung sakaling mag-aasawa siya ay gusto niya ay ang lalakeng katulad ng kaniyang ama. Natutuwa naman ang aktres dahil si Zoren ay pareho sa kaniyang ama lalo na sa pagiging relaxed sa mga bagay-bagay. Aminado si Carmina Villarroel na mabilis umano siya mataranta kung kaya nahahawa siya sa pagiging kalmado ni Zoren Legaspi pagdating sa mga bagay-bagay.

Ngayong taon ay ganap na ngang single ang status ni Carmina Villarroel at 100% na umanong annulled mula sa dating kasal nito. Naniniwala si Zoren Legaspi na ang tanging kulang na lang sa kanilang relasyon ng partner ay ang pagpapakasal. Nararamdaman din daw ni Zoren na iyon din talaga ang gustong mangyari ni Carmina simula nang matapos na ang problema nito sa dating relasyon. Umaasa ang dalawa na magaganap ang kanilang kasalan ngayong taon. Aminado rin si Carmina Villarroel na ang isa sa mga dahilan kung bakit hindi sila nagpakasal ng partner ay dahil na rin sa kambal. Masyado umanong silang na-overwhelmed ni Zoren Legaspi sa pag-alaga sa mga bata at naging kampante na rin sa kanilang sitwasyon bilang isang pamilya.

Full Story @ Tsismoso

Rhian Ramos, KC Montero hindi pa opisyal ang relasyon

Kahit madalas na lumalabas na magkasama sina Rhian Ramos at KC Montero ay hindi pa rin daw matatawag ng dalaga na opisyal ang kanilang relasyon. Ngunit ang estadong exclusively dating ay kinumpirma mismo ni Rhian dahil madalas naman daw talaga sila mag-date ni KC sa loob ng ilang buwan. Hindi naman masabi ni Rhian Ramos kung ilang buwan na ang espesyal na samahan nila ni KC Montero dahil hindi naman sila nagbibilang ng ganito at hindi rin daw siya magaling sa dates. Bago pa nauwi sa isang relasyon ang samahan ng dalawa ay una na silang magkaibigan ng binata.

Inamin ni Rhian na hindi daw siya noon pwede makipag-hang out sa mga kaibigan niyang mga lalake dahil mayroon daw nagagalit. Ang tinutukoy ni Rhian Ramos ay ang dati nitong nobyo na si Mo Twister na kaibigan din daw noon ni KC Montero. Hindi umano noon nabigyan ng pagkakataon sina Rhian at KC na magkakilala pa dahil na rin hindi daw pinapayagan ng dating nobyo ng aktres na gawin ito. Nang makipaghiwalay naman si Rhian Ramos sa dati nitong nobyo ay nabigyan na siya ng pagkakataon na makihalubilo kay KC Montero at iba niya pang lalakeng kaibigan.

Sa isang event ay muling nagkita ang dalawa kung saan sila ay nakapag-bonding muli dahil matagal din umano silang hindi nagkausap.  Nagkakilala na rin daw ang dalaga at ang dating asawa ng DJ na si Geneva Cruz. Isang beses lamang din daw ito nangyari at matagal nang nangyari. Alam naman daw ni Rhian Ramos na madalas din mag-usap si KC Montero at dati nitong asawa. Inamin din naman ng dalaga na hindi sila magkaibigan ng singer noon kaya hindi rin niya ito nakakausap.

Kinumpirma naman ni Rhian na kahit hindi pa sila opisyal na magkasintahan ni KC ay iniiwasan niya na rin na mag-entertain pa ng iba niyang suitor. Aniya, magiging unfair naman daw ito kay KC Montero dahil wala naman daw itong nililigawang iba sa ngayon. Gusto lamang daw maging maingat ni Rhian Ramos sa kaniyang kasalukuyang buhay pag-ibig. Alam ng dalaga na unfair iyon para sa napapabalitang nobyo dahil hindi naman daw nito kasalanan ang mga nangyari sa dalaga. Hindi naman daw ito problema kay KC dahil alam niya na nag-iingat lamang si Rhian.

Hindi rin umano nagmamadali si Rhian Ramos at KC Montero na gawing opisyal ang kanilang pagsasama. Tapat naman daw ang dalawa sa isa’t-isa kung kaya bukas naman sila kung sakaling may problema sa kanilang kasalukuyang estado. Ine-enjoy na lamang daw ngayon nina Rhian at KC kung ano ang mayroon sila. Ayaw naman daw problemahin pa ni Rhian Ramos ang mga pwedeng mangyari sa kanilang relasyon ni KC Montero dahil sa ngayon ay sapat na rin daw sa kanila ang lahat ng nangyayari.

Full Story @ Tsismoso

Zsa Zsa Padilla, may kidney cancer

Marami ang nagulat nang lumabas ang balitang na-diagnose ang Divine Diva na si Zsa Zsa Padilla ng Stage 1 kidney cancer. Nakitaan umano ng bukol sa kaniyang kidney si Zsa Zsa na kasing laki ng isang golf ball. Lumalabas na malignant ang bukol na ito na ikinalungkot ng singer. Ibinahagi ni Kris Aquino ang mahabang usapan nila sa text ng kaibigan sa kaniyang morning program sa ABS-CBN kung saan isinawalat nito na siya ay may kidney cancer. Bago pa kumalat sa publiko ang tunay na karamdaman ni Zsa Zsa Padilla ay alam na ito ng ilan niyang mga malalapit na kaibigan sa industriya.

Bago pa lumipad ng Los Angles ang singer-actress ay nagpahiwatig na ito na mayroon siyang karamdaman ngunit tumanggi nang sabihin pa ito sa publiko.  Sa unang check-up pa lamang daw ni Zsa Zsa sa kaniyang doktor na si Dr. Larry Froch ay sinabi na sa kaniya na kidney cancer nga ang kaniyang sakit dahil sa pagiging malignant ng nakitang bukol. Ang kaniyang doktor ay espesyalista sa nephrology o internal medicine sa Cedars-Sinai Medical Center sa Los Angeles, California. Halos 3 centimeters ang laki ng kaniyang tumor at gusto ng doktor na tanggalin ito para tuluyan nang matanggal ang kidney cancer ni Zsa Zsa Padilla.

Kakailanganing operahan si Zsa Zsa para sa kaniyang kidney cancer at hindi na raw nito kinakailangan ng chemo o radiation dahil stage 1 pa lamang daw naman ito. Malaki ang pasasalamat ni Zsa Zsa Padilla dahil naagapan ang kaniyang sakit at nakita agad ng doktor ang pwedeng gawin dito. Sasailalim sa isang Laparoscopic surgery ang singer sa loob ng dalawang araw para matanggal na ang kaniyang kidney cancer. Ayon naman kay Zsa Zsa, matapos ang isang linggo ay pwede na siyang umuwi sa bansa at matapos ang isang buwan ay pwede nang bumalik sa kaniyang trabaho.

Matapos ang anim na buwan ay kinakailangan nang bumalik ni Zsa Zsa Padilla sa Amerika para sa kaniyang follow-up at titingnan kung naging maganda ang resulta ng operasyon para sa kaniyang kidney cancer. Sa darating na Agosto 27 ay naka-schedule na si Zsa Zsa para sa kaniyang operasyon. Nakitaan na ng abnormal growth sa tissue ang kidney ni Zsa Zsa nang mapatingin siya sa doktor sa Pilipinas. Ang kidney cancer ng naturang singer-actress ay tinatawag na T1A o mababang stage ng cancer. Naawa naman si Divine Diva sa kanilang anak ni Dolphy na si Zia dahil parehong side nito sa pamilya ay may cancer na.

Nananatiling malakas ang anak ni Zsa Zsa kahit pa isang buwan pa lamang ang nakakalipas nang mamayapa ang ama nitong si Dolphy. Bilib na bilib din si Zsa Zsa Padilla dahil matapang na hinaharap ng kaniyang anak ang pagkadiskubre nila sa kidney cancer ng singer.  Nagpapasalamat din daw siya dahil sa mga dasal na ibinibigay ng tao sa kaniyang kalagayan Gusto rin ni Zsa Zsa na kapag umuwi siya sa Pilipinas ay masasabi niyang isa na siyang cancer survivor.

Full Story @ Tsismoso