Tuesday 24 July 2012

Angel Locsin umalis na sa Twitter?

Halos dalawang milyon na ang followers ni Angel Locsin sa microblogging site na Twitter. Matatandaang sa Twitter din nagsimulang magkakilala ang aktres at ang kasalukuyan nitong nobyo na si Phil Younghusband. Aktibo noon si Angel Locsin sa pag-update ng Twitter accoount ngunit hindi nagtagal ay marami na ang nakakapansin na hindi na hito masyadong aktibo rito. Aminado naman si Angel na hindi na masyadong nakakapag-tweet sa kaniyang mga tagahanga. Binubuksan pa naman daw niya ang kaniyang Twitter account ngunit hindi na ito kadalas tulad ng dati.

Naikuwento naman ni Angel Locsin ang tunay na dahilan ng kaniyang madalang na pag-tweet habang siya ay nasa taping ng kaniyang sitcom na Toda Max. Aniya, mayroonumano siyang poser sa Twitter na hindi na nagiging maganda ang pinagsasabi. Ang inakala noon ni Angel ay isa lamang walang magawang tao ang gumagaya ng kaniyang Twitter handle. Halos magkapareho ang ginagamit nilang user name. Kilala si Angel Locsin sa Twitter account nito na 143RedAngel samantalang ang naturang poser ay pinalitan ng letrang L ang 1 sa kaniyang handle.

Nalulungkot si Angel dahil maging ang ibang artista ay nagrereply pa sa poser na hindi alam ang totoo. Dumating na rin daw sa punto na hindi na magaganda ang pinagsasabi ng naturang poser sa Twitter at ilang fans club na rin ng dalaga ang nagagalit dito. Aminado ang aktres na napapagod na siyang magpaliwanag sa ibang mga tao na hindi siya ang gumagamit ng pekeng account na ito. Sinabihan na rin daw ni Angel Locsin ang kaniyang Twitter poser pero hindi pa rin ito tumitigil.

Wala na rin daw magagawa si Angel kung hindi na makikinig sa kaniya dahil hindi naman umano sila magkakilala nang personal. Nilalawakan na lang daw niya ang kaniyang isipin dahil hindi ito mapigilan sa kaniyang opinyon. Naniniwala si Angel Locsin na marami pa rin ang naniniwala sa kaniyang Twitter poser. Noong pumanaw daw ang Comedy King ay gusto sana mag-tweet ni Angel Locsin patungkol dito pero naisip niyang maaari namang magkagulo sa Twitter at baka ano na naman ang gawin ng kaniyang poser.

Bagamat nag-e-enjoy sa Twitter dahil sa mga mababait nitong fans ay marami sa milyong followers na sumusubaybay ng kaniyang tweet. Kapag nalulungkot daw si Angel Locsin ay tumitingin lang siya sa Twitter at napapalitan na ng saya ang kaniyang nararamdaman dahil sa kaniyang mga tagahanga na walang sawang sumusuporta sa kaniya. Mababait din umano ang followers ni Angel sa Twitter kung kaya namimiss niya rin ang mga ito. Napapagod lamang daw si Angel Locsin na sagutin pa ang mga walang sawang intriga patungkol dito.

Full Story @ Tsismoso

Gretchen Barretto, nakapag-move on na sa iringan nila ni Nadia Montenegro

Sa pagbabati nina Gretchen Barretto at Nadia Montenegro ay napatunayan ng dalawa na namukudtangi pa rin ang kanilang pagmamahalan bilang magkaibigan. Noong July 13 ay nasaksihan ng marami ang pagbabati nina Gretchen at Nadia sa mismong burol ng Comedy King sa Heritage Memorial Park. Paliwanag ni Gretchen Barretto, ang mas mahalaga sa kanila ngayon ay ang kapayapaan dahil alam niyang nakapag-move on na sila pareho ni Nadia Montenegro. Aniya, masyado nang matagal ang naging iringan nila noon ng kaibigan kung kaya hindi na siya nabigla nang mangyari ito sa kanila ng kaibigan. Nagamot na rin daw ang mga sugat noon ni Gretchen mula sa kanilang hindi pagkakaintindihan ni Nadia kung kaya gusto niya na itong kalimutan.

Pinasalamatan naman ni Nadia Montenegro si Dolphy dahil pakiramdam niya ay siya pa rin ang nagbahagi ng pagmamahal at pagkakaisa sa mga tao. Ipinahayag niya rin na nagpapasalamat siya at muli niyang nayakap ang kaibigang si Gretchen Barretto matapos ang mahabang panahon. Halos tatlong taon ang itinagal ng iringan nina Gretchen at Nadia pero tila kinalimutan na nila ito nang sila ay magyakapan nang matagal sa burol. Ito na raw marahil ang simula ng pagbabalik ng magandang samahan nina Gretchen Barretto at Nadia Montenegro hindi lamang sa harap ng kamera kundi sa totoong buhay.

Una umanong nagkatinginan ang magkaibigan sa Heritage Park at nag ngitian pa sa isa’t-isa. Nang pumasok na sina Gretchen Barretto at Nadia Montenegro sa hallway ay dito na nasaksihan ng marami ang kanilang pagyayakapan. Ramdam naman daw ng dating aktres na si Nadia ang sensiridad ng kaibigan sa kanilang muling pagbabati. Noong 2008 ay matatandaang napabalitang may pinagkakalat umanong balita si Nadia Montenegro patungkol sa kaibigang si Gretchen Barretto kung kaya naapektuhan ang kanilang samahan bilang magkaibigan. Naging sentro noon ng balita ang awayan ng dating magkaibigan dahil matagal na silang magkakilala. Unang nagkasama sina Gretchen at Nadia noon sila ay nasa grade-school pa lamang sa  Collegio de San Agustin sa Dasmariñas Village sa Makati.

Noong 1984 ay ipinakilala sa publiko sina Gretchen Barretto at Nadia Montenegro sa pamamagitan ng pelikulang 14 Going Steady ng Regal Films. Sa ngayon ay hindi na aktibo si Nadia sa mga pelikula ngunit sinundan naman ng kaniyang mga anak ang kaniyang yapak sa showbiz. Partner ng dating aktres ang dating pulitiko na si Boy Asistio at isang full-time mother sa kaniyang walaong anak na sina Alyssa, Alynna (Ina), Alyana, Anykka, Alexander, Sam, Arysha, and Sophia. Samantalang si Gretchen Barretto naman ay nagbabalik showbiz sa isang teleserye star at bilang isang endorser.

Full Story @ Tsismoso

Angel Locsin, Dingdong Dantes may pelikula sa Star Cinema

Kakaumpisa pa lamang nina Angel Locsin at Dingdong Dantes sa kanilang pelikula pero naging maganda na raw ang takbo ng kanilang shooting. Makakasama ng dalawa sina Angelica Panganiban at Zanjoe Marudo. Ito ay sa ilalim ng direksyon ni Ruel Bayani na pinamagatang One More Try. Lahat ng cast ng pelikula ay nakaeksena na rin daw ni Angel kasama na rito sa Dingdong. Bagamat kakasimula pa lamang nila ay mabilis na rin daw ang tinatakbo ng shooting nina Angel Locsin at Dingdong Dantes. Ito ang unang pagkakataon na magtatambal ang dalawa sa isang pelikula.

Noong nasa Kapuso network pa lamang si Angel ay may ginawa na silang pelikula ni Dingdong ngunit hindi nagkaroon ng pagkakataon ang dalawa na magkasama sa set. Nagsilbing direktor noon si Dingdong Dantes sa pelikulang Angels noong 2007 ngunit hindi naging direktor ni Angel Locsin ang binata. Ang Angels ay isang trilogy movie na ang aktres mismo ang nag-produce. Sa isang episode nito ay tampok si Angel samantalang ang isang episode naman ay nagsilbing direktor si Dingdong. Ang napansin umano ng aktres sa Kapuso star ay hindi ito nagpapahalata na minomotivate na siya para sa kanilang mga ginagawang eksena. Sinisimulan siyang kausapin ng aktor at dito na raw magsisimula ang pagiging kumportable nila sa isa’t-isa.

Maalaga rin umanong leading man si Dingdong Dantes kaya walang nagiging problema si Angel Locsin sa pakikipagtrabaho sa aktor. Aminado naman si Angel na noong una ay medyo nangangapa pa sila ni Dingdong sa kanilang mga eksena. Pinaliwanag ng dalaga na kapag ipinaparamdam ng kaeksena na walang problema ay magiging maganda ang kinalabasan nito at walang magiging isyu sa pagitan nilang dalawa. Marami ang lumalabas na espekulasyon na ang pelikula nina Angel Locsin at Dingdong Dantes ay isang daring na pelikula. Hindi pa naman daw alam ni Angel kung ano ang gusto ng kanilang direktor ni Dingdong pero may ipagkakatiwala na lang daw niya ito sa kaniya.

Ayaw pa rin naman daw alamin ni Angel Locsin kung ano ang balak sa kanilang dalawa ni Dingdong Dnates ng kanilang direktor dahil kakasimula pa lamang nila sa paggawa nito. Wala namang naging problema sa network ni Dingdong ang kaniyang paggawa ng pelikula sa production company ng ABS-CBN dahil nagpaalam naman daw ang binata dito. Kahit pa karamihan ay Kapamilya stars ang makakasama ni Dingdong Dantes sa pelikula ay hindi ito nakaramdam ng ilang dahil mababait naman daw ang mga ito. Si Angel Locsin naman ay pumirma mulit ng kontrata bilagn isang Kapamilya. Aminado rin ang aktres na bago ang paggawa ng pelikula ay gusto raw niya munang lumabas muli sa teleserye.

Full Story @ Tsismoso

Toni Gonzaga, Vice Ganda may kissing scene sa pelikula

Kinumpirma mismo ni Toni Gonzaga na aabangan ng marami ang kanilang magiging kissing scene ng kaniyang kaibigang si Vice Ganda sa kanilang bagong pelikula. Si Toni ang magiging leading leady ni Vice sa bagong proyekto na kanilang bagong tambalan. Sa ngayon ay naghahanda na ang dalagang aktres sa kaniyang magiging role sa pamamagitan ng pagpapapayat katuld ng yoga at pag-attend ng dancing class. Pagbibiro pa ni Toni Gonzaga, kailangan niya raw maghanda dahil baka maging mas maganda pa sa kaniya si Vice Ganda sa pelikula.

Excited na rin si Toni Gonzaga dahil hindi isang hunk actor ang kaniyang magiging leading man sa Star Cinema movie kundi si Vice na kaniyang malapit na kaibigan. Magiging lalake rin si Vice Ganda sa naturang role kung kaya lalo pa umanong maeexcite ang mga tao rito. May working title na rin sila ngunit baka baguhin pa ito kaya hindi pa nila sinasabi sa publiko. Exciting para kay Toni kung paano gagawin ni Vice ang magpapakalalaki sa kaniyang karakter. Apat na araw na rin nag-shooting ang dalawa at walang sayang na oras dahil masaya silang lahat sa set.

Ang mga romantic scene umano nina Vice Ganda at Toni Gonzaga ay hindi makunan dahil walang tigil ang kanilang pagtawa.  Last week kinunan ang kissing scene ng dalawa at pagbibiro pa ng host-actress maaaring ito ang dahilan kung bakit binagyo ang bansa dahil maaaring hindi matanggap ng tadhana ang mga nangyayari. Kakaiba rin daw ang pakiramdam ng kissing scene nina Vice at Toni kumpara sa mga nakasanayan noon ng dalaga sa mga gwapong aktor na nakasama niya. Mayroon ding intimate scene sina Toni Gonzaga at Vice Ganda na dapat abangan ng kanilang mga tagahanga.

Bago para sa marami ang tambalan nina Toni at Vice na hindi madalas makita ng mga tao sa mga pelikula. Aminado si Toni Gonzaga na nararamdaman niya rin ang pagiging lalake ni Vice at nagugustuhan niya naman daw ito. Masarap raw kausap at makasama si Vice Ganda kung kaya ito ang kaniyang nagusuthan sa kaibigan. Minsan iniisip na lang ni Toni Gonzaga na hindi pala tunay nalalake si Vice Ganda dahil kahit papaano ay kilos babae pa rin ito.

Full Story @ Tsismoso

Popular Posts