Kim Chiu, sinagot na nga ba si Xian Lim?

Namataan si Kim Chiu na todo ang pag-cheer sa isang event na dinaluhan ni Xian Lim sa naganap na Star Magic Sports Fest. Itinanggi naman ng The Healing star na sinagot niya na ang manliligaw at iginiit na nag-e-enjoy lamang daw sila sa kanilang kasalukuyang sitwasyon. Aminado si Kim na ninerbyos siya sa laro ni Xian kung kaya nang malapit na itong matapos ay umalis na ang dalaga dahil halos magkadikit na ang iskor ng magkalabang kupunan. Biniro pa nga si Kim Chiu kung susuportahan niya rin si Gerald Anderson na nakalaban ng kupunan ni Xian Lim sa basketball. Napangiti na lamang ang dalaga nang tanungin sa kaniya ang patungkol sa panunuyo ng aktor sa kaniya.

Kasalukuyang gumagawa ng teleserye sina Xian at Kim na masusundan din ng isang pelikula sa ilalim ng Star Cinema. Pagdating sa panunuyo ng binata ay inamin naman ni Kim Chiu na consistent naman ito. Napapabalitang hindi lamang ang aktres ang nililigawin ni Xian Lim kundi pati na rin ang pamilya nito. Sapat na raw na masaya ang dalawa kapag sila ay nagkakasama dahil mas mahalaga raw ito para sa kanila.

Oras lamang daw ang makakapagsabi kung ano ang kahihinatnan ng panliligaw ni Xian kay Kim. Hindi naman itinanggi ng aktres na natutuwa siya sa feeling na sinusuyo siya ng binata. Ngayon ay maituturing ng aktres na si Xian Lim na ang pinakamalapit na lalakeng kaibigan sa kaniya. Madalas din namang lumalabas ang dalawa pero kasama pa rin umano ni Kim Chiu ang iba pang malalapit nitong kaibigan. Sa ngayon ay ipagpapatuloy pa rin ng dalawa ang kanilang magandang samahan bilang magkaibigan at hindi na magpapaaepekto sa mga intriga.

Full Story @ Tsismoso

Paul Salas, balak ligawan si Myrtle Sarrosa?

Natutuwa naman ang binata na si Paul Salas nang inihayag ng PBB Big Winner na si Myrtle Sarrosa na ang aktor ang crush nito sa showbiz. Napanood daw noon ni Paul si Myrtle sa PBB at napag-usapan nila ng kaniyang mga kaibigan kung sino ang pinakamaganda sa reality show at pinili niya noon ang dalaga. Naniniwala raw si Paul Salas na mananalo si Myrtle Sarrosa sa PBB Teen Edition kung kaya nang mangyari ito ay masayang-masaya ang binata. Kamakailan lang ay nagkita na ang teen housemate at si Paul sa isang taping. Ang lakas daw ng appeal ni Myrtle para kay Paul kung kaya lalo pang humanga ang binata sa cosplayer.

Naging maganda na rin daw ang samahan nina Paul Salas at Mrytle Sarrosa dahil gumawa na sila ng mga plano para makapag hang out matapos ang kanilang guesting sa sitcom na Toda Max. Balak daw mag-bowling ng dalawa sa Eastwood dahil gusto nilang mag-bowling dahil pareho silang mahilig sa larong ito. Makakasama raw ng dalawa ang mga kaibigan ng binta at excited na si Paul na bilhan si Myrtle ng ice cream. Ito raw kasi ang pinaka na-miss ni Myrtle Sarrosa nang ito ay pumasok sa Bahay ni Kuya. Umaasa si Paul Salas na magiging maganda ang samahan nila bilang magkaibigan ng dalaga lalo na at nabigyan na sila ng pagkakataon na makilala ang isa’t-isa.

Halos tatlong taon ang tana ni Mrytle kay Paul pero wala naman daw sa isip ng aktor na manligaw sa ngayon dahil batang-bata pa umano siya para rito. Pero hindi naman daw ibig sabihin nito ay hindi na kinokonsidera ni Paul Salas ang ideyang panliligaw kay Myrtle Sarrosa. Dinepensahan din ng binata ang kaniyang bagong kaibigan mula sa kaniyang mga detractors. Simula nang manalo si Myrtle sa reality show ay marami na ang mga lumalabas na haters nito partikular na sa Internet. Kasalukuyang inuugnay ang dalaga sa kaniyang housemate na si Yves Flores na sinasabing masugid na manliligaw ng dalaga. Naniniwala si Paul Salas na isang mabuting tao si Myrtle Sarrosa kung kaya hindi siya naniniwala sa mga sinasabi ng ilan patungkol sa dalaga.

Full Story @ Tsismoso

Sarah Lahbati, Richard Gutierrez may relasyon

Marami ang nakapansin sa pagiging blooming ng dalagang si Sarah Lahbati kung kaya biniro siya ng mga press kung si Richard Gutierrez ba ang dahilan kung bakit maganda ang kaniyang aura ngayon. Maugong ang balitang nililigawan umano ni Richard ang dalagang si Sarah na kaniyang leading lady sa primetime series na Makapiling Kang Muli. Pinasinungalingan niya rin ang mga balitang binabakuran na umano siya ng binata kahit saan man siya magpunta at kahit ano ang kaniyang ginagawa. Kamakailan lang ay naging guest si Sarah Lahbati sa programa ni Richard Gutierrez na Pinoy Adventures na kinunan pa sa Bukidnon. Nagualat din daw si Sarah nang sabihan siya na magiging guest ito sa naturang programa ng kaibigang si Richard.

Aminado si Sarah Lahbati na nahirapan siya sa kanilang mga ginawang adventure ni Richard pero nag-enjoy naman daw sa bagong experience. Maganda ang samahan ng dalawa sa likod at harap ng kamera dahil nagkakasundo umano ang ugali nila ng aktor. Magkasama raw silang pumupunta sa Muay Thai classes at pareho rin silang mahilig mag travel kahit dito lamang sa Metro Manila. Marami rin daw common friends sina Sarah Lahbati at Richard Gutierrez kung kaya madalas silang magkasama sila sa mga party.

Noong birthday rin daw ng nakakatandang kapatid ng aktor na si Ruffa Gutierrez ay pumunta ang dalagang aktres dahil inimbita siya mismo ni Richard. Ayaw naman magsalita ni Sarah patungkol sa pagpayag ng pamilya ni Richard sa kanilang espesyal na relasyon. Aniya, ayaw niya namang isipin na boto agad ang mga ito dahil baka sabihin na mayroon nga talaga silang relasyon ni Richard Gutierrez. Pinuri naman ni Sarah Lahbati ang kabaitan ng pamilya ng aktor at nakilala niya na rin ang ina ng binata na si Annabelle Rama.

Dumalaw daw noon ang manager na si Annabelle sa set ng teleserye nina Richard at Sarah at nagdala ng sampung Lechong Cebu. Nagtataka naman daw si Sarah sa maling tingin ng iba sa ina ni Richard Gutierrez dahil napakabait at maalaga raw talaga ito. Nagustuhan naman ng 18-taong-gulang na si Sarah Lahbati sa kaniyang leading man ang pagiging mabait nito sa kahit sinong tao lalo na sa mga maliliit na miyembro ng production. Napaka propesyal din umano ni Richard ayon kay Sarah kung kaya mahal na mahal siya ng mga taong nakapaligid sa kaniya.

Wala pa naman daw regalong naibibigay si Richard Gutierrez kay Sarah Lahbati dahil madalas daw itong magdala ng mga pagkain sa set para sa lahat ng miyembro ng production. Kinumpirma naman ni Sarah na nasa getting-to-know-each-other stage pa lamang sila ni Richard dahil gusto pa umano nilang makilala ang isa’t-isa nang mabuti. Nakilala na rin daw ni Richard Gutierrez ang ama ni Sarah Lahbati nang umuwi ito galing Switzerland.

Full Story @ Tsismoso

Kean Cipriano, gustong ligawan si Bangs Garcia

Kinilig naman ang binatang si Kean Cipriano nang sabihin sa kaniya ng press na nabanggit ni Bangs Garcia na puwede niyang i-entertain bilang manliligaw ang Callalily vocalist. Tila hindi naman makapaniwala si Kean sa kaniyang narinig at nahalata pa lalo ang kasiyahan nito. Kasama ni Bangs ang binata sa kanilang pelikula na The Reunion na nagkaroon ng press conference noong July 31 sa Dolphy Theater ng ABS-CBN. Magkapareha rin sina Kean Cipriano at Bangs Garcia sa naturang pelikula kaya lalo pang naging interisado ang mga press sa kanilang samahan.

 

Wala namang takot na inamin ni Kean na sa cast ng kanilang pelikula ay may posibilidad na mainlove siya kay Bangs. Seryoso raw si Kean Cipriano sa kaniyang sinasabi dahil mas malapit pa raw ang binata kay Bangs Garcia kumpara sa ibang lalakeng artista na kasama niya sa pelikula. Sa isang hiwalay na panayam sa dalaga ay nabanggit nito na nakikita niya ang mga quality ng kaniyang ideal man sa katauhan ng binatang aktor. May takot umano sa Diyos, matalino at masarap kausap si Kean Cipriano kung kaya masayang-masaya si Bangs Garcia pag kasama ito.

Nagpasalamat naman si Kean nang mabanggit sa kaniya ang mga papuri ng dalagang si Bangs. Hangang-hanga raw si Kean Cipriano sa kagandahan ni Bangs Garcia. Dagdag pa rito ay ang kanilang pagkakaroon ng parehong zodiac sign. Napabilib din si Kean sa kakaibang personalidad ni Bangs kaya lalo pang lumaki ang kaniyang paghanga rito. Masaya rin daw sila pag nagkakaroon ng pagkakataon na makapagkuwentuhan dahil ang humor nila ay pareho.

Naghahanap lamang daw ng magandang timing si Kean Cipriano kung kailan niya pwedeng ligawan ang dalagang si Bangs Garcia. Hindi naman daw basta-basta pipilitin ng binata ang kaniyang intensyon dahil pareho silang abala sa kani-kanilang mga trabaho. Kasalukuyang gumagawa ng soap opera si Bangs at alam umano ni Kean kung gaano ito kahirap ang schedule ng isang may teleserye kukng kaya ayaw niya umanong maka-istorbo pa rito. Gusto rin linawin ni Kean Cipriano na hindi niya sinasabi ang paghanga kay Bangs Garcia dahil sa kanilang love team.

Masaya na raw si Kean dahil hindi naman umano pilit ang kanilang tambalan ni Bangs dahil maganda naman ang kanilang chemistry sa likod at harap ng kamera. Nagkataon lamang daw na sila ang ipinareha ng production kung kaya sinamantala na nila ang pagkakataon para magkakilala nang mabuti. May kissing scene din sina Kean Cipriano at Bangs Garcia sa pelikula pero itinanggi ng binata na nagkailangan sila ng aktres. Napag-usapan na rin naman daw ito nina Kean at Bangs kung kaya wala silang problema rito.

Full Story @ Tsismoso

Enchong Dee, Julia Montes may away?

Marami ang nakahalata sa tila malungkot at seryosong mood nina Enchong Dee at Julia Montes sa naganap na press conference ng kanilang pelikula na The Reunion. Kasama rin ng dalawa ang iba pang Star Magic talent sa naturang proyekto. Nanibago umano ang ilang press sa mga seryosong sagot ni Enchong sa ilang katanungan samantalang si Julia naman ay napaghalataang malungkot sa buong oras ng presscon. Kahit hindi pa kinukumpirma nina Enchong Dee at Julia Montes na may relasyon na sila ay naunahan na ito ng balitang break na umano sila.

Ayon sa biata, mas maganda na raw ang hindi masyadong nagbibigay ng impormasyon patungkol sa ibang bagay dahil madalas ay unahan daw sila ng media. Pakiramdam ni Enchong ay binibigyan lang ng kulay ng iba ang kanilang magandang pagkakaibigan ni Julia. Mas mabuti na raw na huwag nang magpaapekto pa sina Enchong Dee at Julia Montes sa mga intriga dahil mas mahalaga pa rin ang kanilang personal na relasyon sa isa’t-isa. Itinanggi rin ni Enchong na totoo ang balitang may tampuhan sila ni Julia. Aniya, nasa press conference umano sila kung kaya kailangan nilang magseryoso para sa mga miyembro ng media.

Matagal nang bukas si Enchong Dee patungkol sa kaniyang tunay na nararamdaman para sa dalagang si Julia Montes. Aminado rin ito na habang tumatagal ay lalong nagiging matindi ang kaniyang nararamdaman sa dalaga. Nabanggit na noon ni Enchong na maghihintay siya kung kailan pwede nang ligawan si Julia at ito ay kung tumuntong na ang dalaga sa edad na 18. Sa darating na March 19, 2013 ang ika-18 na kaarawan ni Julia Montes kung kaya para kay Enchong Dee ay ilang buwan na lamang ang kaniyang hihintayin. Hindi naman alam ni Enchong kung sasagutin na siya ng dalaga sa mga oras na iyon pero si Julia na raw ang may hawak ng desisyon.

Hindi itinanggi ni Enchong Dee na nagpapahiwatig nga siya kay Julia Montes at kitang-kita na nag-e-effort ang binata para maghintay sa aktres. Ngayon lamang daw nakita ng mga tao na nagpakita ng ganitong interes si Enchong sa isang babae. Hindi naman daw mapaliwanag ng aktor ang pangyayaring ito dahil minsan ay nangyayari na lang ito. Minsan ay nararamdaman naman daw ng binata na sinusuklian ni Julia ang kaniyang mga pinapakita. Aniya, nilalagyan niya na lang ng meaning kahit minsan ay walang ibig sabihin.

Matatanggap naman daw ni Enchong Dee kapag dumating ang panahon na hindi kayang masuklian ni Julia Montes ang nararamdaman ng dalaga. Parang pelikula lamang daw ang buhay ayon kay Enchong kaya normal lamang na masaktan ang isang tao. Hindi pa raw alam ni Enchong Dee kung sino ang kaniyang magiging partner sa darating na Star Magic Ball. Masuwerte namang ituturing ng binatang aktor kung sakaling maging partner niya si Julia Montes sa espesyal na gabing ito.

 

Full Story @ Tsismoso