Isang beautiful at memorable Kapamilya event ang handog ng "ASAP 2012" ngayong Linggo (Oktubre 28) sa pagpapalabas ng ikalawang bahagi ng 'ASAP in Singapore' concert.
Ang concert ay pinangunahan ng mga bida ng inaabangang Primetime Bida teleserye ng ABS-CBN na "A Beautiful Affair" na sina John Lloyd Cruz, Bea Alonzo at John Estrada. Sa labis na pananabik, hindi nagkamayaw ang hiyawan at palakpakan ng fans lalo na nang mag-alay sina John Lloyd at Bea ng isang espesyal na production number.
Non-stop kilig surprises naman ang masasaksihan sa ASAP centerstage sa regalong inihanda ng "Suddenly It's Magic" lead stars na sina Erich Gonzales at Mario Maurer; at kikiligin din naman ang lahat sa special production numbers ng Kapamilya love teams na sina Kathryn Bernardo at Daniel Padilla Kim Chiu at Xian Lim, Julia Montes at Paulo Avelino, Billy Crawford at Nikki Gil, at Cristine Reyes at Rayver Cruz.
Tiyak na mapapaibig muli ang lahat sa back-to-back romantic serenade ng ASAP heartthrobs na sina Piolo Pascual at Sam Milby kasama ang ASAP Boyfriendz na sina Daniel, Khalil Ramos at Enrique Gil.
Samantala, world-class talent ang muling ipamamalas ng nag-iisang Mr. Pure Energy na si Gary Valenciano sa kanyang pagbabahagi ng espesyal na kwento ng isang Kapamilya sa Singapore sa 'With Love Gary V.'
Tunghayan din ang makatindig-balahibong concert experience na ihahandog nina ZsaZsa Padilla, Vina Morales, Jed Madela, Angeline Quinto, ASAP Pinoy Champs, at ASAP Sessionistas; at ang nakamamanghang rock performance nina Bamboo, Yeng Constantino, Sam Milby, Paolo Valenciano, at Aiza Seguerra.
Abangan din naman ngayong Linggo pagliyab ng dance floor sa bonggang Supahdance treat nina Kim Chiu, Gerald Anderson, Jake Cuenca, Maja Salvador, Enchong Dee, Iza Calzado, Shaina Magdayao, John Prats, Iya Villania, Gab Valenciano, Robi Domingo, at Bangs Garcia.
Makikanta, makisayaw, makisaya at maki-showdown sa "ASAP 2012" ngayong Linggo, 12:15 ng hapon sa ABS-CBN. Para sa updates, pictures at tsansang maka-hang out nang live ang former PBB teens housemates na sina Roi, Joj at Jai sa ASAP Chill-Out, bumisita lamang sa http://asap.abs-cbn.com/, sundan ang @ASAPOFFICIAL sa Twitter, o i-'like' ang http://facebook.com/asapofficial.
By Night Owl || Full Story: Kapamilyanewsngayon
0 comments:
Post a Comment