Lalong iinit ang summer ng mga Pinoy ngayong Linggo (Abril 15) sa “ASAP 2012” dahil sa paglunsad ng 2012 Summer Station ID ng ABS-CBN at sa ipapasabog na world-class performances na pangungunahan ng ASAP mainstays na sina Gary Valenciano, Vina Morales, Piolo Pascual, Toni Gonzaga, Angeline Quinto, Jericho Rosales, Christian Bautista, Erik Santos, Jed Madela, at Piolo Pascual.
Sabay sabay na sasalubungin ng ASAP Kapamilya ang engrandeng back-to-back na pagbisita ng cast ng pinakabago at pinakaabangang mga teleserye ng ABS-CBN na “Kung Ako’y Iiwan Mo” na pangungunahan nina Jake Cuenca, Bangs Garcia at Shaina Magdayao; at ang “Princess and I” kasama ang pinakabagong ‘Primetime Princess’ na si Kathryn Bernardo at ang powerhouse cast na sina Albert Martinez, Gretchen Baretto, Dominic Ochoa, Lara Quigaman, Enrique Gil, Khalil Ramos, Daniel Padilla, at marami pang iba.
Tiyak naman na matutunaw ang mga kababaihan sa nakakapasong production number na hatid nina Rafael Rossel, Markki Stroem, at Alex Castro; habang magpapakitang gilas din naman ang ASAP girls na sina Maja Salvador, Karylle, Erich Gonzales, Jessy Mendiola, Julia Montes, Bianca Manalo kasama ang ‘My Girl’ winners.
Muli na namang mapapabilib ang lahat sa hindi mapapantayang galing at talento sa pag-awit ng ASAP Sessionistas, ASAP Pinoy Champs at Boys R Boys; matinding collaboration nina Aiza Seguerra at Bamboo; at sa malupit na concert experience na handog nina Yeng Constantino, Paolo Valenciano at Arnel Pineda.
Samantala, liliyab ang ASAP dancefloor dahil sa intense na performance ng America’s Best Dance Crew winner na I aM mE; at sa pasiklaban ng dance moves nina John Prats, Sam Concepcion, Devon Seron, Anja Aguilar, Ivan Dorschner, Robi Domingo, Teacher Georcelle, at ng PBB ex-housemates na sina Pamu, Divine, Tin, Deniesse, Kevin at Carlo.
Huwag palampasin ang paglunsad ng 2012 Summer Station ID ng ABS-CBN sa 2012 Gawad Tanglaw Best Musical Variety Show na “ASAP 2012” ngayong Linggo, 12:15 ng hapon sa ABS-CBN. Para sa updates, pictures at tsansang maka-hang out nang live ang stars ng ASAP Chill-Out, bumisita lamang sa http://asap.abs-cbn.com/, sundan ang @ASAPOFFICIAL sa Twitter, o i-‘like’ ang http://facebook.com/asapofficial.
By Night Owl || Full Story: Kapamilyanewsngayon
0 comments:
Post a Comment