Sa pagsasanib pwersa ng parehong pinag-uusapang reality show at game show, ipinadala ni Banker ng "Kapamilya Deal or No Deal" ang host nitong si Luis sa sikat na bahay para sa task ng 'negosyanteens' o negosyanteng teens na magtatayo ng kanilang sariling negosyo sa puhunang ipagkakaloob sa kanila.
Hinamon ni Kuya ang dalawang magkatunggaling grupo ng housemates na bibigyan ni Banker ng tig-P10,000 para mag-isip, gumawa, at magbenta ng produktong kanilang iisiping palaguin. Ipagbibili ang mga ito sa publiko ngayong linggo. Base sa payong ibinigay sa kanila ni Luis, anong produkto kaya ang kanilang iimbentuhin?
Bukod sa payo, nakapaglaro rin ng "Deal" ang housemates kasama si Luis, pero imbes na halaga, kulay ng grupong kanilang aaniban ang laman ng mga briefcase. Ito ang naging paraan ni Luis para paghiwalayin ang housemates sa dalawang grupong maglalaban para sa task.
Sa unang pagkakataon naman sa kasaysayan ng PBB, nakakapag-tweet ang teen housemates gamit ang hashtag na #PBBTweets tungkol sa kanilang mga karanasan at saloobin na maaaring hindi nila napapakita sa kanilang mga kasama sa loob ng bahay. Abangan ang tweets ng teen housemates mula mismo sa loob ng Bahay ni Kuya sa opisyal na Twitter account ng programa na @OfficialPBB4.
Dahil na rin sa kiligan, mumunting 'di pagkakaunawan, at bonding ng teen housemates sa unang linggo pa lang nito, hindi binibitiwan ng hashtag na #PBBTeens4 at #UBER2012 ang unang pwesto sa trending topics ng Twitter araw-araw simula pa ng pumasok ang unang batch ng housemates noong Linggo (Abril 8). Gumagawa rin ng ingay sa micro-blogging site ang mga namumuong love teams nina Myrtle at Ryan, at Karen at Kit, pati na ang housemates na nakakapagbitaw ng 'quotable quotes' gaya nina Alec, Yves, Claire, at Clodet.
Pakatutukan kung ano pa ang kayang gawin ng kabataang Pinoy sa "PBB Teen Edition 4" kasama si Toni Gonzaga pagkatapos ng "Dahil sa Pag-ibig" sa Primetime Bida, sa "PBB Teen Edition 4 Uber 2012" kasama sina Bianca Gonzalez, Robi Domingo, at John Prats pagkatapos ng "Kung Ako'y Iiwan Mo" sa Kapamilya Gold, at sa "PBB Teen Edition 4 Updates" kasama si Robi tuwing "Kung Ako'y Iiwan Mo" at "Princess and I" sa ABS-CBN. Huwag namang magpahuli sa mga pinakabagong kaganapan sa Bahay ni Kuya at sundan ang Sekretarya ni Kuya sa @OfficialPBB4 sa Twitter at i-like angwww.facebook.com/OfficialBigBrother. By Night Owl || Full Story: Kapamilyanewsngayon
0 comments:
Post a Comment