NBI, BIBIGYANG LINAW ANG MGA ISYUNG KINAKAHARAP SA “BOTTOMLINE”

Kinukwestiyon kamakailan ang integridad ng ilan sa mga opisyal ng National Bureau of Investigation (NBI) dahil sa mga krimeng kinasasangkutang nila. Ngayong Sabado (Abril 21) sa "The Bottomline with Boy Abunda," bibigyang linaw ni NBI Interpol Chief Claro de Castro Jr. ang iba't ibang akusasyon na kasalukuyang hinaharap ng kanilang ahensya.

Sa dinami-dami ng mga kasong naitatala laban sa mga opisyal ng NBI kada taon sa Pilipinas, alamin mula kay De Castro kung ano ang ginagawa ng ahensya para solusyonan ang mga ito. Ano ang pinakamahirap na pinagdadaanan ng isang taga-NBI? Sa kabila ng administrative charges na inakusa sa kanya at ng kaso na kinakaharap ng dating NBI Director na si Magtanggol Gatdula, paano niya masasabi na tapat ang kanilang ahensya sa mga prinsipyong kadakilaan, kagitingan, at integridad? Ngayong mainit na pinaguusapan ang kaso ng ilan niyang kasamahan, ipinagmamalaki pa rin ba niya na matawag na isang NBI agent?

Makialam sa mga isyung panlipunan at huwag palampasin ang 'Ani ng Dangal 2012' awardee na "The Bottomline with Boy Abunda" ngayong Sabado, 11:30 ng gabi, pagkatapos ng "Banana Split" sa ABS-CBN. Para sa karagdagang updates, mag-log on lamang sa www.abs-cbn.com o sundan ang @abscbndotcom sa Twitter. By Night Owl || Full Story: Kapamilyanewsngayon