SUMMER MYX FEST SA BORACAY

Muling dadalhin ng MYX, ang numero unong music channel sa bansa ang ilan sa mga pinakapaboritong OPM artists sa Boracay, kung saan sila'y magpe-perform para sa pinakamalaking summer concert ngayong taon ang "Summer MYX Fest 2012." 

Isuot ang pinakamagadang summer oufit at pumunta sa Summerplace, Station 2, Boracay beachfront ngayong Abril 14 (Sabado) at maki-party mula paglubog ng araw hanggang hating-gabi. Lalo pang painitin ang summer sa panonood ng fire dance at pakikinig ng beach music bilang hudyat ng pagsisimula ng concert, kung saan tampok sina DJ Elmer Dado at ang Gruppo Tribale. 

Ang mga OPM artist na tiyak na yayanig sa "Summer MYX Fest 2012" ay sina Gloc 9, Kamikazee, Parokya ni Edgar, Never the Strangers, Rico Blanco, Urbandub at Wolfgang. 

Umaapaw ang mga exciting na perks and prizes para sa mga manonood dahil magpapalaro ang mga MYX VJs sa pagitan ng mga band performances. Huwag palampasin ang mga thrilling booths sa venue ng ultimate rock concert sa Bora ngayong weekend. 

Para sa karagdagang impormasyon at updates sa "Summer MYX Fest 2012," mag-log on sa www.myxph.com . Maari ring i-download ng libre ang MYX Charts app mula sa Android market.  

By Night Owl || Full Story: Kapamilyanewsngayon