Humataw na ng P200 milyon sa box-office sa loob lamang ng dalawang linggo ang wild comedy movie event ng taon mula sa Star Cinema na "This Guy's in Love With You, Mare" na pinagbibidahan ng box-office comedy trio nina Toni Gonzaga, Luis Manzano at Vice Ganda.
Dahil sa kanilang box-office success, apaw-apaw na pasasalamat ang nais iparating ng buong cast ng pelikula ng at director nitong si Direk Wenn V. Deramas.
"Maraming salamat sa lahat," ani Direk Wenn. "Masayang-masaya kami dahil over 'yung suporta ng tao sa movie namin bawat araw. Sobra kaming nag-enjoy noong ginagawa namin ito at talagang nagreflect naman ito sa pelikula pati sa mga manonood."
Proud naman si Toni sa 'first time' niyang naranasan dahil sa "This Guy's In Love With You, Mare." Ayon sa aktres, "Natutuwa ako kasi first time kong ma-experince yung ganung outcome ng movie ever in my life. Syempre grateful kami sa sumuporta, nanood at naniwala sa peliuklang ito."
Nagmarka naman kay Luis ang nasaksihan niyang husay ng mga kaibigan habang ginagawa ang kanilang kauna-unahang movie project. "Noong sinimulan namin ang 'This Guy's In Love With You, Mare,' kaibigan lang ako nina Toni at Vice. But we ended this movie na naging fan ako nina Toni at Vice," pahayag ng TV host-actor na saludo sa galing sa comedy ng dalawa sa kanyang closest friends sa showbiz.
Samantala, buong-buo namang inialay ni Vice sa Diyos ang pinakabago niyang box-office success. "Thank you talaga kay Lord. Alam ko kasing napunta ako sa mahusay na team kaya alam kong magiging maganda ang kalalabasan ng pelikula namin," ani Vice. "Isa ito sa mga nagawa kong project na wala akong naramdamang stress kaya hindi nakapagtatakang mauulit ito."
Huwag palampasin ang third blockbuster week ng "This Guy's In Love With You, Mare" na ipinalalabas pa rin sa mga sinehan nationwide.
Matapos ang "This Guys In Love With You, Mare," sunod na ihahandog ng Star Cinema sa Filipino moviegoers worldwide ang pinakapinananabikang romantic-comedy film na pinagbibidahan ng Thai superstar na si Mario Maurer at Philippine sweetheart na si Erich Gonzales, ang "Suddenly It's Magic." Sa ilalim ng direksyon ni Rory B. Quintos, ang "Suddenly It's Magic" ay mapapanood na sa mga sinehan sa buong bansa ngayong October 31 (Wednesday).
Para sa karagdagang impormasyon tungkol sa "This Guy's In Love With You, Mare" at "Suddenly It's Magic," mag- log on lamang sahttp://www.StarCinema.com.ph/, http://facebook.com/StarCinema athttp://twitter.com/StarCinema.
By Night Owl || Full Story: Kapamilyanewsngayon
0 comments:
Post a Comment